比起應屆畢業生出國留學，工作一段時間之後先決定出國嘅人亦越嚟越多。某部分人係因為家庭因素需要自己準備資金先可以出國，亦有某部分人或者係喺工作或生活上遇上瓶頸位，藉著出走他國讓自己休息一下，順帶提升自我價值，再思考下一步嘅行走方向。日前，此系列文章介紹過應屆畢業生直接去日本闖蕩嘅實際例子，今次要同大家分享，出社會工作一陣子後，決心赴日學習日文，目前喺FUN! JAPAN編輯部任職香港編輯‧MARU的故事～
學會第三語言 首選係日文
我從香港嘅學校畢業後，曾任職相關貿易公司嘅工作，處理進出口關稅文件等等，業務上會接觸到日本客人，而基本上係以英文溝通為主。呢個時候覺得，如果識日文嘅話，或者喺溝通上會比較順利，對將來嘅工作上亦會有所幫助，萌生學日文嘅念頭，雖然當時「韓流」吹得好厲害，好多人會覺得，既然都要重新學習一個語言嘅話，學都應該要學韓文，但我自己認為，亦選擇咗學日文。任職嘅公司亦相當開明，歡迎日本學好日文之後再返去工作。
想用最短時間學語言 無日文基礎直接申請赴日
想要用最短嘅時間學習一種新語言嘅話，最快嘅方式莫過於係去當地留學，加上自己唔係十八 廿二，想把握好每一寸光陰唔想浪費時間，決定直接赴日。選擇就讀嘅日本學校係職場上嘅台灣同事介紹，屬於專門學校底下嘅日本語學科，雖然學校台灣人居多，亦有韓國、菲律賓等同學。地點方面曾經考慮過大阪或福岡，因為呢幾個地方都曾經有旅遊過，亦留低好印象，而最後認為，如果從0開始嘅話，都係揀關東地區會比較適合。
我嚟日本之前一句日文都唔識講，上堂係由あいうえお開始，好好彩遇上非常好嘅老師，上堂教學方式活潑又生動，初學者都可以簡單明暸。上堂三個月後，因為想迫自己嘅聽力跟口說要有所進步，到咗可以申請打工嘅時候，就逼自己去拉麵店打工，當時嘅日文程度大概係「呢個係黑色，呢個係白色」。
當初計畫只會喺日本留一年，然後就返香港繼續工作。但計畫趕不上變化，後來延長日本語學校嘅課程，用咗大約一年時間拎咗N2，始終想拎埋N1先再返去香港。由0到N1用咗約2年時間，不過因為係華語圈嘅人，識漢字佔咗好大優勢。
改變計畫 繼續留日本
畢業後到自己計畫要返香港嘅期間仲有一段空窗期，就利用呢段時間與同學去下小旅行，或者搵下打工等，令自己嘅留學生活不留下遺憾。搵打工時，亦好奇「廣東話」喺日本職場上嘅需求，就喺網絡上用關鍵字搜尋，透過人才仲介公司搵到而家嘅FUN! JAPAN。因為日本需要「廣東話」人才，引起我嘅興趣。先喺FUN! JAPAN打工後，後來亦被公司詢問何不繼續留低轉工作簽證，我亦覺得機會來了可以一試，就決定留喺日本工作。
選擇喺FUN! JAPAN工作嘅原因
其實，我喺香港嘅時候就好鍾意睇散文與攝影，去到日本就開始經營BLOG，想將日本生活與情報知識等分享畀大家，加上好鍾意旅遊跟美食，進入FUN! JAPAN之後，有許多寫文章、去各地採訪等嘅機會，能夠將自己鍾意嘅事物可以與工作結合，又可以用自己嘅語言，令我覺得喺FUN!JAPAN工作既開心又學到好多好多...
過去喺語言學校學嘅日文，都是書本上嘅日文，實際進入日本職場後，學到嘅東西又更廣更不一樣，感覺自己能力又提升一層次。加上FUN! JAPAN編輯部有多位嚟自其他國家嘅編輯，同大家閒聊時會更了解一個國家，甚至有時候仲會顛覆原本嘅刻板印象，係一個好特別嘅工作環境。
日本職場嘅文化衝擊
感覺同香港唔同嘅係，日本係好注重開會，開會期間係唔可以中途走出去接客戶電話；返工時亦要金睛火眼去注意有無新嘅E-MAIL出現，啱啱開始唔係好習慣，亦係所謂嘅文化衝擊吧。不過，日本職場步伐無香港咁快，反而令人有喘息嘅空間與時間，加上人人都都好注重禮貌，令我印象非常深刻，因為中文、廣東話與英文無所謂嘅敬語，香港嘅步調又快又急，語氣方面可能有些時候會令人產生誤會。
畀將來想去日本生活嘅人建議
如果覺得一句日文都唔識講，會覺得害怕無安全感嘅話，或者先喺香港學好基本會話再赴日會比較好。如果好似我咁，已經有去過好幾次日本旅遊，雖然唔識講日文，生活一開始有少少麻煩，但係想用最快方式學識一項新語言嘅話，或者可以嘗試用同我一樣嘅方式，直接去日本留學。喺海外呢段日子，你會遇上許多唔同背景經歷嘅多國籍朋友，或者你原先嘅計畫亦會因此有所改變，但呢個就係人生囉！勇敢行出第一步，或者就會有意想不到嘅改變！
相關文章
- 【Work & Life in Japan Vol.2】好想喺日本住！長期居留日本嘅方法
- 【Work & Life in Japan Vol.3】日本外籍員工越嚟越多 人數變化解說&分析
- 【Work & Life in Japan Vol.4】 YOU！點解對日本有興趣？
- 【Work & Life in Japan Vol.5】於日本工作所需嘅「居留資格」全種類解說！
- 【Work & Life in Japan Vol.6】選擇日本作為自己嘅職涯首站
- 【Work & Life in Japan Vol. 7】關於日本嘅雇用形式
更多相關日語資料
FUN! JAPAN網站推出咗「日本語能力試驗對策」嘅練習試題，目前有N1同N2、N3嘅文法、語彙、讀解、聽解…等試題，並且陸續新增中，準備緊日文考試嘅讀者不妨去試吓做練習啦～
Comments