近年，有越來越多外國人選擇去日本遊玩等。因此，日本國內亦有好多公司企業，積極採用外國員工，以應付大量來訪日本嘅外國人。而能夠居留喺日本嘅簽證種類，因應唔同目的用途各有唔同，今次，FUN! JAPAN編輯部就整理咗可以居留日本嘅「居留資格」，希望俾將來有意願嚟日本工作，甚至定居嘅人作為參考。
所謂「居留資格」指嘅係？
所謂「居留資格（日文為：在留資格）」，係指外國人能留喺日本時必須嘅簽證。長期居留日本時會發行「居留卡（在留卡）」，上面會明確記載可以留喺日本居留嘅資格、日期等。根據《出入國管理及難民認定法》規定，截至2019年11月，「居留資格」共有29種，每位外國人都只會持有其中1種居留資格，而且只可以從事自己持有嘅居留資格，所規定嘅活動或工作。另外，依據居留資格唔同，工作範圍、限制等亦有分別，想知分別係邊嗎？咁就要繼續閱讀本文章～
可於規定範圍內工作嘅居留資格
呢類居留資格，亦可以叫做「工作簽證」，共有19種。持有下列居留資格嘅外國人，可以喺規定範圍內工作。
| 居留資格 | 職業、工作例子 | 居留期間 |
| 外交 | 外國政府派遣來日的駐外使節等以及其家族 | 從事「外交活動」的期間 |
| 公用 | 外國政府派遣來日的駐外大使館・領事館職員；國際機関等派遣來日的官員等以及其家族 | 5年、3年、1年、3個月、30日、15日 |
| 教授 | 大學教授等 | 5年、3年、1年、3個月 |
| 藝術 | 作曲家、畫家、作家等 | 5年、3年、1年、3個月 |
| 宗教 | 外國宗教團體派遣的宣教士等 | 5年、3年、1年、3個月 |
| 報導 | 外國的新聞媒體記者、攝影師 | 5年、3年、1年、3個月 |
| 高度専門職 | 1號：與公家、私人機關簽約進行研究、指導或教育活動的外國人；從事需要自然科學、人文科學領域知識與技術的外國人；從事經營或管理的外國人 | 5年 |
| 2號：高度學術研究、技術領域、經營・管理領域以及「高度専門職1號」的活動內容，幾乎所有工作資格都能從事的外國人 | 無期限 | |
| 經營・管理 | 企業等的經營者・管理者 | 5年、3年、1年、3個月 |
| 法律・會計業務 | 律師、註冊會計師等 | 5年、3年、1年、3個月 |
| 醫療 | 醫生、牙科醫生、護士 | 5年、3年、1年、3個月 |
| 研究 | 政府機關與私人企業等的研究者 | 5年、3年、1年、3個月 |
| 教育 | 中學、高中的語文教師等 | 5年、3年、1年、3個月 |
| 技術・人文知識・國際業務 | 機械工學等的專業人員、通譯翻譯、設計師、私人企業語言教師、貿易營業等外國人 | 5年、3年、1年、3個月 |
| 企業內外派 | 由日本企業海外分公司等派遣來日的外國人 | 5年、3年、1年、3個月 |
| 看護 | 有牌照的合法看護 | 5年、3年、1年、3個月 |
| 興行 | 演員、歌手、舞蹈員、職業運動員等 | 3年、1年、6月、3個月、15日 |
| 技能 | 外國料理廚師、運動指導員、機師、貴重金屬等的加工技術人員等 | 5年、3年、1年、3個月 |
| 特定技能 | 1號：屬於特定產業領域，從事的業務內容需要了解該領域相當程度的知識或經驗的外國人 | 1年、6個月、4個月（最長通算5年） |
| 2號：屬於特定產業領域，需要從事該領域熟練技術業務的外國人 | 3年、1年、6個月 | |
| 技術實習 | 1號：第1年技術實習生。 根據《技能實習法》認定的技術實習計畫，接受培訓以及從事技術等相關業務活動。 | 法務大臣個別指定的期間（1年以內） |
2號：完成技術實習1號，並通過評價考試的第2、第3年技術實習生。 根據《技能實習法》認定的技術實習計畫，從事技術等相關業務活動。 | 法務大臣個別指定的期間（2年以內） | |
3號：完成技術實習2號，並通過評價考試的第3.第4年技術實習生。 根據《技能實習法》認定的技術實習計畫，從事技術等相關業務活動。 | 法務大臣個別指定的期間（2年以內） |
能否工作？依據居留資格規定內容
「特定活動簽證」係畀「無法分類於既有居留資格」嘅外國人，只可以從事居留資格指定嘅工作內容。打工度假亦屬於「特定活動簽證」
| 居留資格 | 職業工作例子 | 居留期間 |
| 特定活動 | 外交官等的幫傭、打工度假等 | ５年、３年、１年、６個月、３個月或是法務大臣個別指定的期間（最多不超過５年） |
無工作限制嘅居留資格
持有以下居留資格嘅外國人，無須另外申請資格，就可以無限制咁工作
| 居留資格 | 居留期間 |
| 永住者 | 無期限 |
| 日本人配偶者等 | 5年、3年、1年、6個月 |
| 永住者配偶者等 | 5年、3年、1年、6個月 |
| 定住者 | ５年、３年、１年、６個月或是法務大臣個別指定的期間（最多不超過５年） |
無法工作嘅居留資格
持有下列居留資格嘅外國人，基本上無法工作。但部分居留資格只要另外申請「資格外活動許可」，就可以喺規定範圍內工作。不過，持「短期滯在」資格，以觀光身分進入日本嘅観光客，就唔可以申請「資格外活動許可」。
| 居留資格 | 從事職業例 | 居留期間 |
| 文化活動 | 日本文化的研究者等 | 3年、1年、6個月、3個月 |
| 短期滯在 | 觀光客、參加會議者等 | 90日或是30日或者是15日以內的期間 |
| 研修 | 研修生 | 1年、6個月、3個月 |
| 留學 | 大學、專門學校、日本語學校等的學生 | ４年３個月、４年、３年３個月、３年、２年３個月、２年、１年３個月、１年、６個月、３個月 |
| 家族滯在 | 持有工作資格等居留日本的外國人配偶與小孩 | ５年、４年３個月、４年、３年３個月、３年、２年３個月、２年、１年３個月、１年、６個月、３個月 |
總結
居留資格對長期留喺日本嘅外國人嚟講好重要。每種居留資格都規定得好清楚可以喺日本做啲咩，唔可以做啲咩。如果想做本身居留資格規定以外嘅工作，原則上係禁止。所以，將來有計畫想去日本工作嘅人，一定要事前先了解「居留資格」嘅內容同規定！
相關文章
- 【Work & Life in Japan Vol.2】好想喺日本住！長期居留日本嘅方法
- 【Work & Life in Japan Vol.3】日本公司外籍員工逐年攀升 人數變化解說與分析
- 【Work & Life in Japan Vol.4】 YOU！點解對日本有興趣？
更多相關日語資料
FUN! JAPAN網站推出咗「日本語能力試驗對策」嘅練習試題，目前有N1同N2、N3嘅文法、語彙、讀解、聽解…等試題，並且陸續新增中，準備緊日文考試嘅讀者不妨去試吓做練習啦～
Comments