人氣觀光景點「箱根」，從東京出發大約需時2個鐘，擁有日本屈指可數嘅溫泉、「湖中鳥居」、 「蘆之湖」、日本百景之一「箱根富士」等，值得一訪再訪嘅景點應有盡有，點樣可以令寶貴嘅旅行時間發揮得更淋漓盡致呢？
係喇！就用直昇機代步啦！翱翔於東京上空，只需35分鐘就可以從東京去到箱根，唔需要轉車，直達箱根！很想要吧？唔使天價，帶你從600米高空下，邊移動邊俯瞰東京迷人高空景色！
今次就由FUN! JAPAN Team小編實際去體驗，同你分享一下我哋嘅行程同感想啦。
已經有興趣想預約？即刻去官方網頁睇詳細資料啦→https://skyview.airos.jp/hakone
09:00 好近天空啊！飛到高空，向目的地進發！
搭直昇機只需35分鐘即可到達箱根，節省唔少移動時間。途中仲可以睇到東京鐵塔、晴空塔、東京巨蛋、東京迪士尼、六本木等東京地標，短短35分鐘內盡映眼簾！
以直昇機翱翔代步，多出嘅時間又可以活用喺行程中，盡情享受箱根樂趣遊！真心好推薦！
高空睇絕景都夠哂吸引？即去預約→https://skyview.airos.jp/hakone
如何搭車前往直昇機場？
從新木場乘搭都營巴士站都只需5分鐘就到。首先喺新木場嘅2號巴士站，乘搭前往東陽町前嘅巴士，或新木場循環巴士，於東京Heliport前（東京ヘリポート前）巴士站落車，好簡單就去到昇升機場。
而昇升機降落地點係箱根人氣景點 「蘆之湖」嘅直昇機場上，清幽偌大嘅湖面、水中鳥居、空中纜車等景點多多，可謂係箱根嘅心臟地帶。落機後，可以直接開始大玩特玩啦！超級好玩嘅精選行程同景點大公開！
9:45 PLAN A 乘搭「箱根駒岳纜車」去山頂，欣賞蘆之湖+富士山絕景！
上到箱根駒之岳山頂，可以去被譽為「天空の社殿」嘅「箱根元宮」參拜。之後再搭返纜車落山，途中可以盡情欣賞蘆之湖、箱根外輪山、靈峰富士的景色，至箱根園站落山。
景點資訊
- 名稱：箱根 駒岳Ropeway（纜車）
- 地址：神奈川縣足柄下郡箱根町元箱根139
- 電話號碼：0460-83-1151
9:45 PLAN B 「忍者巴士」超級過癮！從陸地來水裏去，彷如忍者來無蹤去無影
如果你已經去過箱根，小編就好推薦你試埋搭水陸兩用嘅「忍者巴士」喇。前一秒於陸地啟程，下一秒就衝去水中，水花四濺，睇落都好過癒呀！
講到忍者或者會先聯想到甲賀、伊賀等地，但其實相傳「風魔忍者」同箱根呢個地方都好有關係。從直昇機空中，到陸地搭忍者巴士，出發再去到海中，「海、陸、空」三重享受，一個旅程就可以玩得哂！
景點資訊
- 名稱：伊豆箱根巴士 箱根園資訊中心
- 地址：神奈川縣足柄下郡箱根町元箱根139
11:30 令人期待嘅午餐要食特產 西太公魚同蕎麥麵料理
從箱根園可以搭免費循環巴士去元箱根！
位於元箱根觀光船碼頭嘅前方有一間「蘆之湖茶屋（あしのこ茶屋）」，提供自家製蕎麥麵同炸西太公魚，想食當地特產嘅朋友就一定要去試吓喇。而於麵包專門店就推薦「Bakery ＆Table箱根（箱根ベーカリーテーブル）」，就可以一邊食麵包、一邊浸足浴、仲可以一邊欣賞蘆之湖美景添。另外，箱根神社嘅水中「平和鳥居」係必去嘅打卡影相熱點，好受外國遊客歡迎㗎。
12:30 去「箱根園水族館」睇浸溫泉嘅海豹
位於蘆之湖湖畔嘅「箱根園水族館」標高海拔723米，被稱為日本海拔最高嘅海水水族館。除咗有魚、烏龜、蟹、青蛙、企鵝等，仲有不容錯過嘅「貝加爾海豹廣場」，呢度係日本唯一有貝加爾海豹表演嘅地方，超得意可愛，睇到都夠哂治癒呀！
仲有，邊個話浸溫泉嘅只有伊豆嘅萌爆水豚君？「箱根園水族館」呢度嘅海豹都好鐘意浸溫泉㗎！
另外，箱根園內仲有小型動物園、觀光遊覽船、餐廳、商品手信賣店等等等等。
景點資訊
- 名稱：箱根園水族館
- 地址：神奈川縣足柄下郡箱根町元箱根139
- 電話號碼 : 0460-83-115
14:00 浸絕景溫泉 讓旅途中疲累嘅身心可以鬆一鬆
喺箱根園隔離嘅日歸溫泉設施「龍宮殿本館」（不需入住亦可浸溫泉），建築物被列為國家登錄有形文化財產，可以邊浸溫泉，邊欣賞蘆之湖同富士山嘅絕美景色。玩完一日，搭飛機返歸前，去嘆一下都唔錯呀。
景點資訊
- 名稱：當天來回溫泉 龍宮殿本館
- 地址：神奈川縣足柄下郡箱根町元箱根13９
- 電話號碼：0460-83-1126
15:00 Good bye 箱根
喺箱根玩完一整日，係時間返去東京喇。靚相又影咗好多，手信又買咗咁多，繼續沉醉喺箱根嘅餘韻當中，返到東京悠閒地食個晚餐啦。
係咪好吸引呢？即去官網預約搭直昇機→https://skyview.airos.jp/hakone
只需29,800円就可以體驗「全新空中X箱根」旅程
平時從東京去箱根，來回電車移動都用咗大半日時間，點可以喺一日之內跑咁多景點呢？搭直昇機只需平常交通方法嘅3分之1移動時間，慳返嘅3分之2時間就可以去多幾個景點，唔使浪費旅行中寶貴嘅時間啦。
而且直昇機唔似客機航行時嘅高度咁高，感覺伸手可以觸摸到天空，俯瞰映入眼簾的360°無盡景色，驚艷得讓人不能自拔！
35分鐘嘅空中漫步，只需29,800円就能擁有飛凡享受！嚟試吓創造屬於自己人生中嘅旅遊新體驗啦！
Comments