日本有Apartment同Mansion等等不同嘅住宅類型。但係，如果問起呢啲住宅定義有咩分別，又好難答而且好難說明。今次，FUN! JAPAN就試下解說介紹日本Apartment呢類型嘅住宅特色、間隔配置同埋點樣租屋。
關於日本Apartment
Apartment喺日本嘅其中一種住宅。日本住宅類型主要分為「一戶建」，即獨立屋，同「集合住宅」。而集合住宅入面再有分「Apartment」、「Mansion」同「團地」三種。
日本Apartment嘅間隔
日本集合住宅嘅間隔，通常由1R (類似香港嘅Studio Room)，到4LDK (即係4房2廳/1廳)都有。其中，Apartment以1R同1K為主（1K同1R最主要分別係廚房有無門隔開，廚房同寢室有門隔開嘅就叫1K）。面積約20～25平方米居多。另外，也有少數嘅3DK (3房1廳)或其他格局。
日本Apartment與Mansion嘅分別
喺日本以外地區，Apartment同Mansion嘅定義唔一樣。「Mansion」喺外國指嘅係大型豪宅獨立屋，但喺日本則有唔同定義，比較接近外國嘅「大廈公寓」。而另一方面，日本嘅「Apartment」就似係外國「Mansion」嘅小型版。
實際上，喺日本「Apartment」同「Mansion」並無好明確嘅定義。雖然每個地產公司給嘅定義都有啲唔同，但都係有一啲共同標準，下面表格就整理咗日本「Apartment」同「Mansion」之間嘅差異。
| Apartment | Mansion | |
| 建築物用料 | 木造或輕量鐵骨造 | 重量鐵骨造、鋼筋混凝土造、鐵骨鋼筋混凝土造 |
| 隔音、耐震程度 | 低、牆壁較薄 | 高 |
| 樓層數 | 2層樓以下 | 3層樓以上 |
| 戶數 | 少 | 多 |
| 房租 | 比Mansion便宜 | 比Apartment貴 |
日本Apartment租屋
如果要喺日本租Apartment，應該去搵地產公司（不動產）。去一間地產公司就可以睇好多唔同嘅房。而喺眾多地產公司入面，亦有一啲比較擅長照顧外國人需要嘅地產公司。例如：青日進、Global Trust Network (グローバルトラストネットワーク)等，有中文、英文、韓文等多語言對應。
另外，喺日本租Apartment嘅話，通常需要下列四種證明文件：
- 住民票
- 連帶保證人證明書及印鑑證明書
- 契約者本人印鑑證明書
- 契約者本人源泉徵收票
此外，根據地產公司或者房間嘅合約，可能仲需要提交其他文件或者以其他文件代替。喺搵屋嘅時候，最好一次過問埋簽訂合約時需要邊啲證明文件。
Comments