應該會有人睇完標題有疑問「便便點可能好可愛？」，但只要去過一次日本嘅「便便博物館（UNKO MUSEUM)」，相信就會即刻明哂！因為館內好色彩繽紛，有各式各樣嘅便便區！
「UNKO MUSEUM TOKYO」喺今年8月9日於日本東京台場開幕，其實已經喺第二棟便便博物館（竟然連便便都可以有分店！），首間「體驗型」便便博物館（UNKO MUSEUM）喺橫濱，剛開幕嘅時候就掀起一陣熱門話題，而家都第二館開幕，館內嘅展示空間同埋規模都比橫濱館大，而且台場館仲增設咗好多唔同設施！
同便便影相打卡區 #UNSTAGENIC
便便對我地嚟講其實好矛盾，通常我地都會避免提及佢，因為大多數人認為佢喺污糟，唔掂得嘅嘢。但係我地日常生活中又一定有佢嘅出現，「UNKO MUSEUM」就發揮創意，將便便變得更親近人（？），好似「UNSTAGENIC」區，就係飛天便便嘅打卡區，充滿著咗五顏六色嘅飛天便便，意外地大受歡迎，成為熱門打卡影相區。
呢區仲有便便咖啡廳，亦到係受到眾多少女歡迎嘅打卡位，採用大量粉紅色系元素，營造出夢幻感，仲有超可愛嘅便便形狀蛋糕，令原本有啲噁心嘅便便，一秒變成充滿少女心嘅裝飾！（真係好不可思議～）
同便便玩遊戲 #KUSOGAME CENTER
仲有「UNKO MUSEUM」、「UNTELLIGENCE」嘅遊戲創意區，展區內準備咗各種投影體驗遊戲，可以喺呢度盡情同便便玩，理解多啲既親近又遙遠嘅便便，而且館內仲提供咗中、英、日三種語言導覽，唔需要擔心言語不通！
另外「KUSOGAME CENTER」呢區亦對相當受歡迎，呢度設置咗好多關於便便嘅遊戲機，俾參觀者可以一齊玩，例如有「空手入米田共白刃」嘅遊戲，要大家快狠準咁用雙手接住跌落嚟嘅米田共，睇嚟好似好簡單，但其實充滿挑戰性，會令人玩到唔願走。
一定唔可以錯過嘅購物區 #UNKO FACTORY
除咗咁多花俏嘅便便遊戲同裝飾之外，除咗參觀展覽，亦都一定唔可以錯過購物區「UNKO FACTORY」便便工廠，入面有好多唔同嘅相關週邊商品，就算女神入到嚟都相信忍唔住會對住便便大叫kawaii～
神秘守護神鎮守便便出口?! #UNBERTO ROOM
展覽去到最後，會嚟到「UNBERTO ROOM」，UNBERTO係鎮守於便便博物館嘅守護神，據官方講法，呢條通道係同神秘宇宙空間相連嘅「便便能量區」，只要喺呢到就會令人產生便意（有無咁神奇？）
如果已經去膩了文青風格的藝術博物館，不妨來試試看這種新奇、另類的博物館吧！
博物館資訊
- 名稱：Unko Museum TOKYO
- 地址：Diver City Tokyo Plaza 2F 東京都江東区青海１丁目１−１０4
- 營業時間：10:00～21:00 ※最遲20:00前入館
- 票價：大人(中學生或以上) 1,800(包稅)日圓／子供(小學生)1,000(包稅)日圓／小學生以下 免費
- 網頁：https://unkomuseum.com/tokyo/
© 妞新聞 www.niusnews.com
Comments