富山縣高岡市坐擁大佛、「雨晴海岸」等著名景點。相傳古時武將曾為避雨而到雨晴海岸等待放晴，當天氣晴朗時，遊客可以隔著富山灣海岸線遠眺對岸綿延山巒，屬世上十分罕見嘅海岸地形。高岡市內有多間適合自由行觀光下榻嘅酒店，以下就要為大家介紹提供舒適住宿體驗嘅選擇。
高岡旅遊推薦住宿地區
高岡站周邊係高岡地區內酒店最多嘅地區，該區著名景點包括國寶「瑞龍寺」、高岡大佛等。高岡站距離木造格子門窗古民家林立嘅金屋町僅5分鐘車程，要乘搭火車到雨晴海岸亦只需約20到30分鐘，因此想要前往高岡各景點觀光的話，入住高岡站附近嘅酒店就最方便！
1. 高岡新大谷酒店
高岡新大谷酒店距離高岡站只有5分鐘步程。客房配有舒適絲漣(Sealy)床墊，而行政套房則採用深受頂尖運動員愛戴嘅愛維福(airweave)床褥，房內更放有按摩椅，保證可為您消除一切旅途疲勞。
酒店內一共設有5家餐廳，住客可以品嚐到採用北陸當季食材製作嘅日式、西式及鐵板燒料理等。其中一家餐廳「Cafe＆Dining COO」提供非常豐富多元化嘅自助式早餐口味以及菜式，例如池田農場自家製香腸、酒店自家製牛角麵包，而甜品方面等則有由土遊野農場自由放養雞蛋製作而成嘅布甸及法式杏仁奶凍等等。
酒店資訊
- 名稱：高岡新大谷酒店
- 地址：〒933-0035 富山縣高岡市新橫町１番地
- 交通方式：東京站→[新幹線]約2小時55分鐘→新高岡站→[JR]約5分鐘→高岡站…步行約5分鐘
- Wi-Fi：有
- 語言：英文
- 信用卡：可以使用JCB卡、VISA卡、AMERICAN EXPRESS美國運通卡、Diners Club International大來國際信用卡、DC、UC、NICOS卡、UFJ卡、 MasterCard萬事達卡、銀聯卡、現金卡、Saison卡
2. 高岡曼藤伊可瑪酒店
「高岡曼藤伊可瑪酒店」與高岡站之間以有蓋天橋相連、極盡地利，非常適合作為觀光據點。客房整齊清潔，房內配有加濕空氣清新機，為住客打造舒適住宿體驗。另外，您亦可以於酒店內品嚐到以「おふくろの味・北陸の味」為主題嘅早餐，意即「北陸地方媽媽嘅味道」。
酒店提供日式及西式套餐。日式套餐包括魚生、烤魚、配菜及紅味噌湯；西式套餐則包括火腿排、香腸、炒蛋及溫熱蔬菜。除此之外，同場設有嘅沙律吧、富山縣產越光米、3～4款麵包、湯品等都可以任食任飲。為住客提供充滿地方特色、誠意十足嘅早餐嚟展開旅途新一天，亦係酒店另一賣點！
酒店資訊
- 名稱：高岡曼藤伊可瑪酒店 (高岡マンテンホテル駅前)
- 地址：〒933-0023 富山縣高岡市末廣町1-8
- 交通方式：東京站→[新幹線]約2小時10分→富山站→[愛之風富山鐵道]約20分鐘→高岡…步行約1分鐘。東京站→[新幹線]約2小時50分鐘→新高岡站→接駁巴士約8分鐘。
- Wi-Fi：有
- 語言：僅限日文
- 信用卡：可以使用VISA卡、MasterCard萬事達卡、JCB卡、AMERICAN EXPRESS美國運通卡、Diners Club International大來國際信用卡、DC、UC
- 下午2點開始辦理入住手續、退房時間至早上10點
Comments