大多數去日本旅行嘅遊旅客都會選擇東京、大阪或京都等充滿日本傳統風情及氛圍嘅地方。但實際上，日本仲有孚多地方雖然無太高知名度，但係景色靚嘅程度完全不比京都或金澤遜色㗎！其中一個例子，就有日本北陸地區富山縣高岡市。
富山縣高岡市推薦必去景點
富山縣高岡市有傳統街景、高雅廟宇等歷史悠久嘅景點。以下將要為您介紹富山縣高岡市推薦必去景點。
1. 瑞龍寺
首先要向大家介紹嘅，係建於江戶時代嘅「瑞龍寺」。已被列為日本國寶嘅寺廟一整年都吸引唔少遊客前來參拜、祈求平安、健康與事業成功。您更可以寺內體驗佛教「坐禪」（需要提前預約），嘗試進入一種平靜狀態、清淨身心。
前往瑞龍寺之前，建議最好先查清楚夜間點燈嘅情報，事關寺院會於每個季節特定時間內舉行點燈活動。記住唔好錯過日本寺廟嘅夜間點燈之美喇！
景點資訊
- 名稱：瑞龍寺
- 地址：富山縣高岡市關本町35
- 開放時間：09:00～16:30
- 門票：成人500日圓
- 交通方式：
- 從高岡站步行10分鐘 (愛之風富山鐵道)
- 從JR新高岡站步行15分鐘
2. 高岡大佛
建於1993年嘅高岡大佛高15.58米，屬於日本三大佛像之一。由於江戶時代規定每個地方大名於領地之內只能擁有一座城堡，因此高岡城於1615年被廢棄，幸好城堡公園以及外圍護城河卻得以保留下來。佛像附近嘅「高岡古城公園」亦係縣內著名嘅賞櫻景點。
景點資訊
- 名稱：高岡大佛
- 地址：富山縣高岡市大手町11-29
- 開放時間：06:00 - 18:00
- 交通方式：從愛之風富山鐵道高岡站步行10分鐘
3. 雨晴海岸
遊覽完上述景點後，不妨到雨晴海岸休息一下吖！遊客喺呢到欣賞到海景以及3,000米高嘅山脈景色，沿岸地區有多間café及餐廳，大大個無敵海景陪著您食飯！由於高岡市係一個臨海小鎮，因此當地亦以豐盛海產而聞名，千祈唔好錯過市內出產嘅海鮮喇。
景點資訊
- 名稱：雨晴海岸
- 地址：富山縣高岡市太田雨晴
- 交通方式：JR冰見線「雨晴站」下車後步行約5分鐘
4. 哆啦A夢電車「萬葉線」穿梭於高岡市區
「萬葉線」電車亦有「哆啦A夢電車」之稱，電車喺哆啦A夢粉絲之間非常出名。顧名思義，車廂由內到外都係清一色哆啦A夢裝飾！另外，高岡市內亦設有藤子・F・不二雄故鄉畫廊，每個週末館內都會邀請落語家（日本講故事表演者）擔任電車播報員，讓乘客一邊欣賞傳統表演、一邊體驗電車之旅。
相關資訊
- 名稱：萬葉線 (高岡站)
- 地址：富山縣高岡市下關町6～荻布川西68
5. 高岡市老街：山町筋及金屋町
山町筋及金屋町係高岡市兩條著名老街。街道兩旁林立著400年前建造嘅傳統土藏造倉庫及格子門式房屋，兩條老街都獲指定為日本國家重要傳統建築物群保存地區。喺老街漫步嘅時候，保證您可以感受到最獨特嘅日本傳統文化氣息。
景點資訊
- 名稱：山町筋
- 地址：富山縣高岡市金屋町
- 交通方式：從JR高岡站步行10分鐘
- 名稱：金屋町
- 地址：富山縣高岡市金山町本町
- 交通方式：從JR高岡站步行20分鐘
高岡市推薦美食
富山縣名物料理為帶有甜甜魚味嘅鱒魚壽司與蒲鉾(魚板)。鱒魚壽司歷史超過200年，富山縣內各間餐廳嘅鱒魚壽司味道都各有不同，有機會去高岡市的話記住要試盡以上各款當地美食喇！
Comments