富山市係通往日本阿爾卑斯山嘅門戶之一，除咗城市之中多個非常吸引嘅觀光景點，您亦可以到附近景點閒逛、發現山脈嘅壯麗或者慢活嘅樂趣，話唔定可以成就出一趟最美好嘅日本旅程𠻹！
富山推薦必睇4大景點
接落嚟，編輯部就要為您介紹富山4大絕對不容錯過嘅景點。
1. 長慶禪寺五百羅漢
五百羅漢即「山丘上嘅500尊羅漢」，若非親臨現場，你絕對無法切身體驗羅漢嘅玄妙吸引力。500羅漢祕境隱藏於一片小森林當中嘅寺廟內，一旦踏入其中，您將會發現範圍內到處都充滿著羅漢像。塑像身上都掛著彩色布條，代表其羅漢弟子之身份。當您參觀完呢個獨特又玄妙嘅地方後，不妨再順便參觀埋位於附近嘅富山民俗民藝村吖。
景點資訊
- 名稱：長慶禪寺
- 地址：富山縣富山市五艘1882
- 交通方式：乘搭富山市內觀光巴士“GuruttoBus”西北環線，於「富山市民俗民藝村」巴士站下車步行3分鐘
2. 富山市役所展望台
富山市役所本身雖無太大吸引力，惟一大值得一去嘅原因就係市役所內嘅展望塔。展望塔歡迎遊客自由進內，您可以到此展望整個無遮無擋嘅城市景觀，並同時欣賞到富山縣天際線。
景點資訊
- 名稱：富山市役所
- 地址：富山縣富山市新櫻町7番38號
- 開放時間：
- 4月到10月: 09:00 - 21:00 (平日) / 10:00 - 21:00 (周末及公眾假期)
- 11月到翌年3月: 09:00 - 18:00 (平日) / 10:00 - 18:00 (周末及公眾假期)
- 門票：免費入場
- 交通方式：從富山站步行5分鐘
3. 富山市民俗民藝村
富山民俗民藝村事實上唔單只係一座村落，反而更似係一個由傳統建築搭建而成嘅聚落博物館。一旦步入建築，您將會驚嘆內裡嘅高超藝術及手工藝技巧，整個環境充滿著農業歷史以及耕具、傳統玩具以及歷史深遠嘅傢俱。
小提醒：富山民俗民藝村有開設陶土藝術手工藝坊，不妨考慮參加為您旅程作紀念吖！
景點資訊
- 名稱：富山市民俗民藝村
- 地址：富山縣富山市安養坊1118-1
- 開放時間：09:00 - 17:00 (最後入場16:30)
- 定休日：12月28日到1月4日
- 門票：各場館成人入場費100日圓
- 交通方式：
- 從富山站(7號巴士乘車處)乘搭往吳羽山老人中心方向的巴士，於富山市民俗民藝村巴士站下車即達。
- 從富山站(2號巴士乘車處)乘搭富山市觀光巴士“GuruttoBus”西北線，於富山市民俗民藝村巴士站下車即達。
4. 富山市玻璃美術館
富山長久以嚟一直以玻璃產品及手工藝而聞名，而家您就可以喺富山玻璃博物館當中學到以上傳統技能。館內有相當多元化嘅一系列作品，例如您可以喺玻璃藝術花園中搵到現代雕刻作品。館內亦設有禮品店，畀遊客盡情選購手信。
景點資訊
- 名稱：富山市玻璃美術館
- 地址：富山縣富山市西町5-1
- 開放時間：
- 常設展及特展: 09:30 - 18:00 (每週五及週六開館至20:00), 定休日為每月第一及第三個週三
- 展廳1、2: 09:00 - 21:00, 定休日為每月第一個週三
- 咖啡廳及美術館商店: 09:30 - 19:00 (每週五及週六開館至20:00)
- 定休日: 年末年始
- 門票：200日圓
- 交通方式：
- 從富山站乘搭市内電車環狀線，於「Grand PLAZA前」下車後步行2分鐘
- 從富山站乘搭市内電車環狀線，於「西町」站下車步行1分鐘
富山購物及免稅店
富山大和
大和係富山縣內最大嘅一間百貨公司，您可以喺呢到搵到一齊您所想，例如服飾、裝飾品、傢俱擺設、甚至係辦公室用品。地下樓層設有超市販售當地生產嘅食品，亦設有美食街及咖啡店。
相關資訊
- 名稱：富山大和
- 地址：富山縣富山市總曲輪3-8-6
- 營業時間：10:00 - 19:00 (美食街營業到21:00)
- 交通方式：
- 從富山站搭乘環狀線「CENTRAM」約10分鐘，於「Grand Plaza前」下車即達
- 從富山站搭乘環狀線約7分鐘，於「西町」站下車步行3分鐘
Marier百貨
Marier百貨係一座複合型百貨公司，館內設有無印良品等日本品牌專櫃，亦有販售衣飾傢俱用品等。如果您咁啱下榻於富山站，呢到會係一個唔錯嘅購物選擇。
相關資訊
- 名稱：Marier百貨
- 地址：富山縣富山市櫻町1-1-61
- 營業時間：購物樓層(1-5樓): 10:00 - 20:00; 餐廳&咖啡店(6樓): 11:00 - 23:00
- 交通方式：從富山站步行1分鐘
富山建議旅遊季節
春季：
春天會係一年之中拜訪富山嘅最佳季節，因為春季正係百花齊放之時，屆時城市中將充滿絢爛色彩。就如您所期待般，富山內隨處都肆意綻放著漫天櫻花，而櫻花美景亦正係富山令人眩目嘅景觀，特別係當您漫步於城市中嘅重要水道沿岸「松川」之時。如果您想到環繞富山山上探險的話，春天亦係冬雪融化後大多數登山步道開放嘅時節。
秋季：
如果春天係繽紛絢爛嘅色彩，咁秋日之景亦不亞於前。取代繁盛嘅紛亂櫻花，秋天時您可以期待襲捲整座城市嘅紅色楓葉。當地居民皆會異口同聲話秋葉係富山最美時節之一，期待您於氣候暖和之時親自前嚟探索呢座城市啊！
如何前往富山
富山當地機場為富山Kitokito （きときと）機場，您可以乘搭國際線先到東京或大阪，再轉乘國內線或從日本其他城市搭乘火車或巴士前往富山。
從東京前往富山
如果您已經身在東京，您可以乘搭北陸新幹線，車程約2小時，單程票價格為12,000日圓。或您可以乘搭西武巴士從池袋到富山，路程約7小時，單程車票價格約為5,000到8,000日圓。
從大阪或京都前往富山
大阪亦有開往富山嘅巴士路線，路程約5至8小時，單程車票約5,000日圓；從京都出發嘅巴士，路程則約5至7小時，單程車票約5,000日圓。
Comments