津和野位於島根縣西南部，過去以津和野藩地嘅城下町而繁榮發展。置身於擁有700多年歷史，有「山陰的小京都」之稱嘅小鎮，可以感受到古鎮風情嘅歷史景點、自然景觀、文化設施和傳統祭典等多姿多采嘅魅力。
津和野小檔案
被指定為日本遺產嘅津和野，四面環山風光明媚，至今仍然完整地保留著日本傳統文化氣息，與「津和野百景圖」(描繪1800年代後期津和野知名地點和傳統祭典等生活嘅畫冊)今昔對比下，城鎮景觀如同畫冊中描繪一樣，並無大改變，依然古鎮風情處處。
津和野必睇特色位
去津和野嘅話就唔可以錯過津和野嘅主要大街「殿町通」，有唔少觀光景點都係位於殿町通附近。以下為你介紹「殿町通」嘅必睇景點好推薦。
太鼓谷稻成神社、津和野城遺址等歷史建築物
津和野擁有神社和城堡遺址等歷史建築物。當中，太鼓谷稻成神社絕對係必遊景點。
太鼓谷稻成神社係日本五個大稻成神社之一，太鼓谷稻成神社嘅神名被人們視為「達成願望」之神而崇敬。沿著通往神社嘅參拜道上，有約1000個鳥居（牌坊）排列成一條朱紅色鳥居隧道，非常壯觀，洋溢著一股神聖嘅氛圍。置身於位於城山上嘅神社境內，可以感受大地在腳下，俯瞰津和野嘅醉人風景。
另外，靈龜山上嘅「津和野城遺址」以及擁有巨大嘅茅葺屋頂「覺皇山 永明寺」亦係推薦景點。
津和野文化設施── 森鷗外紀念館、安野光雅美術館
津和野內美術館等文化設施數量頗多。例如，日本最具代表性嘅作家之一「森鷗外」嘅出生舊宅和森鷗外紀念館。森鷗外紀念館內，展示有著作、遺物及手稿等與森鷗外相關物品和貴重嘅歷史性資料。而安野光雅美術館，可以欣賞到於津和野出生嘅繪本作家「安野光雅」嘅作品。
津和野及祭典── 流鏑馬神事、鷺舞神事
保留著日本原始風景嘅津和野，有唔少值得欣賞嘅日本傳統藝能民俗活動及祭典。 例如，鷲原八幡宮舉行嘅流鏑馬神事，神事中弓箭手騎著馬，一邊射拉弓射擊設置3處嘅箭靶，震撼力十足。
鷺舞神事── 由彌榮神社所舉辦，日本自古代流傳落嚟嘅傳統藝能民俗活動。鷺舞神事中人們穿著白鷺舞衣，揮著翅膀優雅起舞。據聞全日本最正確嘅鷺舞表演，只有喺津和野先瓜賞得到。
津和野聖地── 津和野天主教堂和乙女峠聖瑪麗教堂等等
津和野作為基督教聖地亦非常有名氣，因此鎮上仍保有多個教堂建築。 具有西洋哥特式建築風格嘅津和野天主教堂， 禮拜堂內擺放嘅並唔係坐嘅櫈而係一片片嘅榻榻咪，非常特別。另外一間值得注意的是乙女峠聖瑪麗教堂── 建於1951年，基督教徒殉教地乙女嶺(乙女峠)，教堂內的彩色玻璃描繪著有關殉教嘅故事。
日本 津和野美食及餐廳
喺津和野可以食到各種當地美食，由日本料理到甜品都可以品嚐得到。例如，使用當地高津川捕獲嘅天然鮎魚或津蟹等食材所製作嘅料理，非常值得推薦。另外，當地和菓子名物「源氏卷」──包着豆沙餡心嘅長方形點心，甜而不漏，亦係必食名單之一。外皮的主要材料係蜂蜜蛋糕，豆沙餡係傳統基本款，近年亦有店家推出抹茶餡等新口味 。餐廳大多數都集中喺JR津和野站附近，記得嚟到就去覓食一番啦。
津和野酒店、旅館及民宿
津和野嘅住宿設施集中於JR津和野站附近。有酒店、旅館和民宿等各種類型，當中以民宿嘅數量為最多。
住宿費方面，酒店大約每晚1萬日圓；旅館住一晚包兩餐，每晚大約1萬到4萬日圓；民宿住一晚大約係6千到8千日圓。（截至2019年9月資訊）
前往津和野嘅交通方式
如果您要前往津和野，可以選擇搭JR山陽新幹線前往JR新山口站。從JR新山口站到JR津和野站，搭特急“Super Oki”，車程約1小時5分鐘。搭普通列車約需1小時40分鐘。另外，由於津和野嘅觀光景點散佈於城鎮各處，可以喺津和野站搭津和野町內巴士前往各大景點。
景點資訊
- 名稱：津和野（JR津和野站）
- 地址：〒 699-5605 島根縣鹿足郡津和野町後田
- 交通方式：JR新山口站→[特急Super Oki] 約1小時5分鐘→津和野站
- Wi-Fi：有（依各施設而異）
- 語言：英文
- 信用卡：可以使用VISA, MasterCard, JCB, AMERICAN EXPRESS, Diners Club International（依各施設而異）
Comments