島根縣充滿歷史和文化氣息，唔單只係和歌嘅發源地，亦擁有山陰地區唯一保存完整嘅木造天守閣。島根縣置身於山脈連綿區域，因而有「山陰地區」之稱，字面意思係指山嘅背向陽光嘅一面。
關於島根
島根縣位於日本中國地區西部，總人口數不到70萬人,係一個可以享受寧靜假期嘅理想地點。
島根縣嘅知名景點和隱藏版景點
島根縣必去景點―松江城
日本全國有12座「現存十二天守」城堡，其中5座被列為國寶，而松江城正正係5座國寶名城之一，亦係全山陰地區僅存嘅城堡。松江城又名「千鳥城」，由松江藩第一代藩主「堀尾吉晴」委託建造。
雖然松江城係1873年公佈廢城令之下嘅受害者之一，但大部分嘅城塔依然保持400多年前嘅原始樣貌，而且係日本罕見少數嘅木結構城堡之一，包括地板亦係木製而成。除咗內部優美迷人，城堡仲有好多令人驚嘆嘅展示和文物。亦有提供展示品嘅英文語音導覽。令人覺得松江城係真正與眾不同嘅例子之一,係可能會偶現妝扮成武士或忍者嘅演員，充滿復古氣氛。
景點資訊
- 名稱：松江城
- 地址：島根縣松江市殿町1-5
- 開放時間
- 本丸：4月到9月 7:00-19:30；10月到3月8:30-17:00
- 天守閣：4月到9月8:30-18:30 (最後入場18:00)；10月到3月8:30-17:00 (最後入場16:30)
- 門票：成人340日圓、兒童140日圓 (外國旅客出示有效護照即可享此優惠價格)
- 交通方式：JR松江站 →[松江Lake Line觀光巴士] 10分鐘→"松江城大手前"巴士站
島根縣隱藏版文化和自然景點―八雲山
對於想要行山遠足嘅人嚟講，八雲山總長2公里嘅八雲山步道絕對係理想好去處。據說「和歌」就係誕生喺八雲山步道上，沿途會望到刻著和歌詩句嘅石頭，非常值得注意。「和歌」係日本古典詩歌嘅一種形式，全部由日語組成，與日本詩人用傳統中文漢字所創作嘅「漢詩」形成強烈明顯對比。八雲山景色相當美麗怡人，當中巨大嘅紅色鳥居係小編最鍾意嘅地方。
前往八雲山步道，可從JR松江站搭一畑巴士往大東。於須賀站落車，在須我神社附近可以搵到步道入口。完成全程約需40分鐘。
守護日本夜晚嘅神聖之地―日御碕神社
位於出雲市嘅日御碕神社，係全日本最美麗嘅神社之一。為咗祭祀太陽神「天照大神」和太陽神嘅弟弟「素盞嗚尊」所建立嘅神社。日御碕神社朱紅色外觀非常氣派，而神社係由稱為「上之宮 (神之宮)」與「下之宮 (日沉宮)」所構成,兩社總稱為日御碕神社。
雖然神社嘅確切建造時間不明，但據聞早於九世紀就已經存在。而且據聞神社建於太陽嘅方向，負責守護日本嘅夜晚。
另外，日御碕神社嘅「御神砂守」御守亦非常特別，裡面包著神社境內嘅小砂石，據說有祈求保平安嘅作用。
景點資訊
- 名稱：日御碕神社
- 地址：島根縣出雲市大社町日御碕455
- 交通方式：出雲市站→ [一畑巴士] 45分鐘 →日御碕站下車步行2分鐘
- ※請注意，島根縣實際上有兩個日御碕神社，一個在出雲，另一個在松江。
如何從福岡前往島根縣
由於島根縣距離福岡縣唔遠，好多人會將福岡與島根旅遊安排係同一個行程上面。由福岡前往島根非常方便，無論係直飛航班、火車或夜行巴士都可以。
搭國內航班
日本航空公司每日都會有2個航班飛往島根縣三角洲樞紐「出雲機場」。航程約需1小時，機票約25,000日圓。
搭火車 (新幹線)
可以由博多站搭JR東海道・山陽新幹線（子彈列車），於岡山站轉搭「特急八雲號」或新山口站轉搭「特急Super萩號」前往島根縣首府松江市。新幹線單程票價約為12,000到16,000日圓。
搭夜行巴士
由JR九州巴士營運嘅夜行巴士，夜晚10點45分由福岡縣博多巴士總站出發，隔日朝早6點48分抵達松江站。回程巴士於晚上11點10分出發，第二日朝早7點02分抵達博多巴士總站。
Comments