位於日本群馬縣嘅草津溫泉係日本數一數二著名嘅溫泉勝地之一。座落於草津溫泉西邊嘅「西之河原公園」內隨處可見白煙裊裊溫泉蒸氣，公園內更設有寬敞露天溫泉，遊客可以一邊浸溫泉一邊欣賞四季更迭美景。
草津溫泉附近嘅「西之河原公園」
「西之河原公園」位於日本群馬縣草津溫泉西側，公園附近地區屬於上信越高原國立公園特別指定地域。遊客嚟到公園，可以喺瀰漫著溫泉蒸氣嘅環境內漫步，園區到處湧出嘅溫泉每分鐘達1400公升，形成一條溫泉河川。四季更迭嘅美景陪襯之下，溫泉景色更加顯得令人嘆為觀止。
「西之河原公園」精彩之處
園內因溫泉湧出而形成嘅溫泉池，昔日曾經係「西之河原」極具代表性嘅源泉，噴出嘅溫泉水聲響亮得宛如茶壺煮水沸騰聲一樣。池畔除咗設有一座鬼神造型嘅雕刻紀念碑之外，同場亦有與草津溫泉擁有深厚淵源嘅名人碑。遊客可以一邊散步，一邊欣賞神社、地藏菩薩等沿途特色。難得一場嚟到，亦請記得一定要試浸環抱四周森林、開揚寬敞嘅露天溫泉啊！
西之河原公園溫泉基本資訊
西之河原公園嘅露天溫泉可謂日本數一數二寬闊，男湯與女湯合併計算面積寬達500平方米。您都不妨試吓一邊浸溫泉，一邊欣賞楓葉、白雪等當地四季美景啦～
露天溫泉營業時間
- 4月1日至11月30日：上午7點至晚上8點（最後入場時間為晚上7:30）
- 12月1日至3月31日：上午9點至晚上8點（最後入場時間為晚上7:30）
露天溫泉費用
大人600日圓、小童300日圓
溫泉設施
溫泉分別設有男女洗手間與更衣室。現場提供毛巾出售服務。貴重物品寄放免費，惟其他物品置物櫃收費每次100日圓。
使用注意事項
溫泉設施內無提供餐廳等用餐地點，亦唔允許攜帶外來食物與飲品。
如何前往西之河原公園
從東京前往西之河原公園，您可先於東京站乘搭長野新幹線（1小時10分鐘）於輕井澤站下車，然後從輕井澤站乘搭巴士（約1小時18分鐘至1小時55分鐘），於「草津站」落車即達。
景點資訊
名稱：西之河原公園
- 地址：群馬縣吾妻郡草津町大字草津521-3
- 交通方式：東京站→[新幹線]1小時10分鐘→輕井澤站→[巴士] 1小時18分鐘～55分鐘→草津站
- Wi-Fi：無
- 語言：僅限日文
- 購票方式：現場售票處
- 信用卡：不可使用
Comments