位於三重縣志摩市嘅「志摩西班牙村」，係一座結合咗主題樂園、酒店、溫泉嘅渡假村。主題樂園「Parque España」係觀光重點，重現咗西班牙嘅街道，仲有各式各樣嘅遊樂設施同巡遊表演。另外，園區內仲有餐廳同紀念品商店，無論美食定購物，都可以滿足到你。
志摩西班牙村小檔案
1994年開幕嘅「志摩西班牙村」位於志摩半島上，係一座以西班牙為主題嘅複合式遊樂園，佔地廣達113公頃。園內有充滿各式遊樂設施嘅主題樂園「Parque España」、 充滿濃厚西班牙南部風情嘅渡假酒店「志摩西班牙村酒店」、提供絕佳視野嘅天然溫泉設施「向日葵之湯」。
志摩西班牙村的特色
「志摩西班牙村」有好多好玩又好睇嘅設施，一齊嚟睇吓「Parque España」有咩特色同推薦嘅玩法啦。
西班牙街景同各式各樣嘅遊樂設施
「Parque España」重現咗西班牙嘅街道，西班牙各地嘅建築物、廣場同雕像，仲有好多影相打卡位！
呢座「小鎮」入面總共有28個景點。有過山車等刺激機動遊戲、觀光船同小火車等遊園交通工具，仲有博物館等多種各具特色嘅遊樂設施。
西班牙風格嘅巡遊及表演
喺「Parque España」，好多地方都會舉行各種巡遊同表演，例如有佛朗明哥舞、街頭音樂劇同吉祥物音樂劇表演等。而西班牙村入面最大嘅表演「Parque España Parade España Carnival」巡遊更係必睇！身穿五顏六色服裝嘅街頭藝人同可愛吉祥物，加上色彩繽紛嘅巨大花車下，一齊喺戶外表演，非常華麗且壯觀！
餐廳及商店
離開園區之前，都可以花啲時間享受美食同購物。餐廳方面，除咗有正宗西班牙料理店，仲有西餐廳、日式料理店、速食店等多種餐廳都有。另外，紀念品店都唔少，可以買到「志摩西班牙村」囓周邊商品，或者係西班牙雜貨、工藝品等等。
志摩西班牙村酒店
從渡假酒店「志摩西班牙村酒店」行都可以好快行到去「Parque España」。喺主題公園玩完一日，唔想離開西班牙嘅環境氣氛？咁就要去入住呢間充滿西班牙南部風情嘅酒店，享受西班牙式優雅嘅度假生活啦。
主題樂園提供各種優惠門票，例如可以充分玩兩日嘅「酒店2日券」、可以免費使用天然溫泉設施「向日葵之湯」嘅住宿優惠等等。
Parque España嘅開放時間同票價
Parque España嘅開放時間基本上係9:30至17:00。但根據季節同星期幾會有所調整。休園日為每年1月中旬至2月初，大約為期一個月，亦會有不定期嘅休園日。去之前上官方網頁查清楚比較好。
樂園門票方面，1日券成人一張5,400日圓、2日券成人一張6,800日圓。如果你前面所述「志摩西班牙村」官方酒店嘅住客，更可以享用優惠價購買門票。(截至2019年8月資訊)
去志摩西班牙村嘅交通方法
最近志摩西班牙村嘅車站係近鐵「鵜方站」。
從大阪、京都、名古屋方向出發嘅話，可以搭近鐵特急列車去近鐵鵜方站。再喺近鐵鵜方站搭直達巴士去「志摩西班牙村站」，車程約13分鐘。落車後，就可以行去「志摩西班牙村」大門。巴士單程費用為成人380日圓。(2019年8月資訊)
景點資訊
- 名稱：志摩西班牙村
- 地址：〒517-0292 三重縣志摩市磯部町坂崎952-4
- 交通方式：鵜方站→[直達巴士]約13分鐘→志摩西班牙村...下車即達
- Wi-Fi：有
- 語言：中文、英文、韓文、西班牙文
- 購票方式：現場購票處、日本當地的便利商店
- 信用卡：可使用VISA、MasterCard、JCB、MERICAN EXPRESS、Diners Club International、UnionPay (※部份商鋪不接受信用卡)
Comments