山形縣嘅「山寺」，正式名稱為寶珠山立石寺，係西元860年由圓仁高僧所創建嘅一座寺院。整座寺院建築於山中，由多座古老寺院建築所組成，所以如果到山寺參拜，就好似去行山一樣。來回約需1個半鐘，可以讓人感受日本佛寺獨特嘅氣氛。
山寺的本堂
參觀山寺從寺廟本堂「根本中堂」開始。「根本中堂」係日本最古老的毛櫸木佛寺建築，被列為國家重要文化財。另外，呢度仲藏有天台宗嘅「不滅法燈」，係圓仁高僧師父——最澄大師（日本最出名僧侶之一），喺天台宗總本山「比叡山」嘅點嘅法燈，傳聞此法燈點咗1,200年都未曾熄滅過。大家可以嚟親眼觀摩呢個法燈，感受莊嚴氣氛。
山寺的1,000級石階
從根本中堂繼續往前行，可以睇到鎌倉時代所建嘅「山門」。山寺齊整嘅石頭階梯就從呢度開始，共有1,015級樓梯。希望透過攀爬階梯嘅過程中，讓人可以減少欲望、放下貪念，成為更知足常樂嘅人。爬上漫長階梯，進入山寺內，可以沿途參觀各個寺院建築，最後去到終點嘅「奥之院」時，就可以感覺到個人精神爽利呀。而為祈禱天下太平而建嘅道場「五大堂」，建於懸崖上突出嘅部分，係眺望山寺整體景觀嘅絕佳位置。
山寺芭蕉記念館的英語俳句大會
登上山寺嘅途中，有一座「芭蕉句碑」石碑。松尾芭蕉係江戶時代後期嘅俳句大師。芭蕉大師喺一次旅途中拜訪山寺，創作咗呢個俳句「靜寂，蟬聲入岩石（閑さや 巌にしみ入る 蝉の）」，係一句幾乎每個日本人都知嘅著名俳句。亦因為咁，山寺附近都建造咗一個「山寺芭蕉紀念館」作為紀念。喺呢度舉行嘅英語俳句大會，亦曾收到來自各界各地共30個國家優秀嘅英語俳句作品。你，都可以挑戰試吓呀！
景點資訊
- 名稱：山寺芭蕉記念館
- 地址：〒999-3301 山形市大字山寺字南院4223
- 交通方式：山形站→［JR仙山線］20分鐘→山寺站…步行8分鐘
- 開放時間：9:00～16:30
- 休館日：不定休、12月29日～1月3日
- Wi-Fi：無
- 語言：僅限日文
- 購票方式：現場購票
- 信用卡：不可使用
去山寺站嘅交通方式
建議從山形站搭去山寺站就係最快去到山寺嘅交通方法。從山形機場搭巴士約40分鐘就到山形站；而喺仙台站竟搭JR仙山線電車，約1小時30分鐘到山形站。
既然去到山形市，拜訪山寺之餘，都好推薦順便去藏王溫泉。山寺距離藏王溫泉約需60分鐘車程，雖然可以搭的士，但搭電車或巴士會比較經濟實惠。
關於山寺
- 宗派：天台宗
- 本尊：藥師如來
- 祭典：夜行念佛・光之道／毎年8月6日
景點資訊
- 名稱：寶珠山 立石寺
- 地址：〒999-3301 山形縣山形市山寺4456-1
- 交通方式：山形站→［JR仙山線］20分鐘→山寺站…步行4分鐘
- 開放時間：8:00～17:00
- 休息日：全年無休
- Wi-Fi：無
- 語言：僅限日文
- 購票方式：現場購票
- 信用卡：不可使用
Comments