「酒田」位於山形縣西北部，擁有開港500年以上歷史嘅酒田港，係一個港口城市。唔只有現存嘅歷史建築，仲有山川、河流、大海等豐富自然名勝景點。而且，受惠於大自然而孕育出優質食材，其中庄内米同當地清酒都是日本全國赫赫有名㗎。
關於酒田
酒田係一個港口城鎮，自古以來就係「最上川（河流）」作為運輸同海上貿易嘅樞紐而發展起來。從酒田嘅北部可以望到鳥海山、從南部可以望到出羽三山，還有貫穿東部同西部嘅最上川，係一個擁有豐富自然環境嘅地區。另外，海岸對出39公里仲有一座名叫「飛島」嘅離島添。
酒田推薦必去景點
酒田有好多有魅力景點，有山有海嘅大自然名勝，仲有歷史建築、神社、寺廟等等。以下為大家介紹推薦去嘅景點。
山居倉庫、本間美術館等歴史建築
酒田有好多保留至今嘅歷史建築物，例如，武士宅邸「本間家舊本邸」、昔日營商嘅住宅建築「舊鐙屋」、有日本庭園嘅「本間美術館」等等。
其中，「山居倉庫」係酒田代表性嘅觀光景點之一。山居倉庫建造於1893年，白色牆身，有9棟土藏造嘅米糧倉庫群並列，可以從倉庫睇出作為稻米卸貨港口造就酒田繁榮一時嘅歷史。另外，當中仲有酒田市觀光物產館及庄內米歷史資料館，嚟到呢度可以順路參觀埋呀。
海向寺、南洲神社等神社寺廟
喺酒田亦有唔少美麗神社同寺廟。例如「洞瀧山 總光寺」，參拜道兩旁杉木林立，仲有美麗日式庭園；「南洲神社」內有用一層層銅片疊起，並用總檜木建造嘅神殿。其中，「砂高山 海向寺」更以日本全國唯一一間供奉咗兩尊「即身佛」嘅寺廟而聞名。
離島「飛島」等自然景點
自然景觀方面，酒田有瀑布、溪谷等美景，仲可以享受海水浴嘅海灘，山水景點都好豐裕。特別一提嘅係「飛島」呢個離島，全島都屬於「鳥海國定公園」範圍之內，係擁有美麗自然風光嘅觀光景點。喺島上，可以欣賞四季唔同嘅植物同鳥類，又可以享受曬太陽、釣魚等戶外活動。
鳥海山、月山等名山
酒田有日本百名山之一嘅「鳥海山」、「月山」等。每座山都有多條登山路徑，其中都有適合初級登山者行，約2小時嘅路線。每座山上都可以欣賞到唔同風景。夏天從鳥海山可以望到鳥海湖周邊盛開嘅水仙銀蓮花、北萱草等花卉；而從月山可以俯瞰被稱作「出羽富士」嘅鳥海山同朝日連峰。
酒田美食及餐廳
酒田的漁獲豐富，全年都可以享用豐富的海鮮。每個季節都有不同的食材，例如，春天的櫻花鮭和、冬天的雪蟹。其他當地料理也很有名，例如，採用店家自製麵條的「醬油拉麵」、以海鮮湯為基礎，使用當地食材製作的「酒田風法式料理」。
酒田市中心，JR酒田站周邊有許多餐廳。
酒田酒店及旅館
酒田整體而言住宿設施唔多，但都有酒店同旅館。其中大部分集中於西部沿岸嘅主要街道上，有好多每晚約5千日圓嘅經濟型酒店。如果想搵價錢實惠嘅住宿，推薦去JR酒田站周邊地區。
另一方面，喺酒店東部嘅山間地區好少住宿設施，大概只有「湯之台溫泉 鳥海山莊」等少數旅館。
去酒田的交通方式
從JR山形站搭「庄内交通」或「山交巴士」嘅高速巴士，約2小時40分鐘就到酒田庄交巴士總站，而JR酒田站就只係距離2分鐘路程。而搭庄内交通巴士或「Runrun 巴士（るんるんバス）」都可以去到酒田各個觀光景點。
相關資訊
- 名稱：酒田（JR酒田駅）
- 地址：〒998-0023 山形縣酒田市幸町1
- 交通方式：山形站→[庄内交通或山交巴士、高速巴士]約2小時40分鐘→酒田庄交通巴士總站...步行約2分鐘
- Wi-Fi：有（防災Wi-Fi・FREESPOT・WiFi-Sakata，依設施而異）
- 語言：英文
- 信用卡：可使用VISA、MasterCard、JCB、AMERICAN EXPRESS、Diners Club International
Comments