去高松旅行就入住高評價嘅酒店啦！

高松市位於日本四國地區嘅香川縣，係香川縣縣廳嘅所在地。高松有各種熱門觀光景點，以下為你介紹有關高松嘅旅遊觀光景點及推介酒店。

揀一間好酒店方便去高松大玩特玩

喺面向美麗瀨戶內海嘅屋島，可以遠足行山，沿途觀賞動植物，行到山頂屋島寺又可以欣賞山林海景。而喺日本國內被譽為「庭園國寶」——栗林公園，係連法國著名旅遊指南都對庭園作出好高評價。不妨去參觀呢個日式庭園，邊行邊感受富有日本風格嘅景色啦。

另外，仲有日本三大水城之一、面向瀨戶內海而建嘅高松城都好推薦一去。夜間仲會點亮燈飾，夜晚去遊日本城堡都係一個特別嘅體驗嚟吖。

香川縣擁有多個充滿文化特色嘅觀光景點，而飲食文化都係其中重要一環。彈牙有咬口嘅讚岐烏冬，唔只係香川縣，亦係日本具有代表性之一嘅食物。今次就為你介紹可以享受到日本美食嘅酒店啦。

JR Hotel Clement Takamatsu地理位置優越，可以360度望到瀨戶內海及高松市街景嘅全景，非常吸引！

酒店房間方面，除咗標準客房，仲有套房、和室等選擇。喺空間感十足嘅房間內可以盡情放眼欣賞窗外美景。餐飲方面，酒店內有餐廳、咖啡店、海景餐廳、酒吧，可以品嚐到從輕食到套餐，從午餐到自助晚餐嘅各種日式、中式等料理。

因為酒店餐廳會以當造嘅食材嚟製作料理，餐單會根據季節轉變而有所不同，咁就食到最新鮮美味嘅料理啦！因應時期仲會設置啤酒花園或舉辦舞蹈表演、音樂會等活動，同當地人一同創造難忘回憶！去高松旅行，不妨考慮吓呢間酒店啦。