福岡太宰府酒店推介

太宰府市位於福岡縣中西部，係著名「太宰府天滿宮」之所在地。太宰府天滿宮係日本全國各地總共1萬2千多間天滿宮嘅總本社，供奉除厄運及求學運嘅天神。每個季節都會舉辦各種祭典活動，有機會去福岡就要去埋太宰府觀光啦。今次就為大家介紹太宰府嘅酒店推薦——ROUTE-INN GRANTIA 太宰府。

ROUTE-INN GRANTIA 太宰府有太宰府市唯一嘅天然溫泉「Mikasa之湯（みかさの湯）」

ROUTE-INN GRANTIA 太宰府酒店內嘅「Mikasa之湯（みかさの湯）」係太宰府唯一嘅天然溫泉。除咗寬大嘅室內浸浴浴池，仲有露天溫泉同桑拿。特別推薦「洞穴溫泉」，可以喺充滿神秘氣氛嘅黑暗洞窟中體驗浸溫泉。

另外仲有喺淺池中瞓喺度潑溫泉嘅「寢湯」、天然石嘅「岩風呂」，仲有岩盤浴等。浸完溫泉後，可以去身體保養室享受按摩。希望你住喺太宰府可以好好享受呢啲令人身心放鬆嘅天然溫泉啦。

既然都嚟到日本，你可以會想體驗吓住日式榻榻米房。喺ROUTE-INN GRANTIA太宰府，除咗一般嘅房型，仲可以揀日式榻榻米客房添。

晚餐可以食到會席料理、壽司、天婦羅同魚生等美食。酒店內嘅餐廳提供壽司、魚生、天婦羅等日本代表性嘅料理，仲有福岡、博多名產「腸火鍋」。

另外，仲有壽喜燒、和牛牛扒等豪華嘅套餐可以揀，就睇你想食乜就食乜！

菜式豐富嘅早餐都好推薦，係有日式、西式同中式嘅菜餚嘅自助餐，酒店希望每位客人都可以享用營養均衡又豐盛嘅早餐。另外，喺呢間酒店都可以食到午餐。退房時間為上午10點前，退房後仲可以喺太宰府行吓，再返到酒店享用午餐。有季節限定嘅壽喜燒、限量嘅燉牛舌等等，可以試吓日本酒店餐廳嘅水準呢。