香川縣琴平格蘭酒店櫻之抄浸夢幻花瓣溫泉

以「參拜Konpira神明」而成名嘅香川縣「金刀比羅宮」係位於香川縣嘅琴平，長長階梯同展望台都非常受歡迎。

可以眺望到金刀比羅宮嘅「琴平格蘭酒店」喺琴平嘅溫泉住宿設施當中特別推薦嘅。玫瑰浮起於水面嘅「華風呂」浴池，設有開放式廚房可以欣賞廚師即場制作料理嘅餐廳等，可見琴平格蘭酒店係一間充滿魅力嘅酒店。

今次就為你介紹琴平酒店嘅值得一住嘅魅力。想琴平之旅玩得開心，住宿方面就參考吓啦。

花瓣飄浮嘅美麗露天風呂

琴平格蘭酒店嘅露天風呂係女性專用，唔止可以一邊浸溫泉一邊欣賞金刀比羅宮嘅美景，浸喺玫瑰花瓣浮吓浮吓嘅浴池都係一大享受！

浸喺優雅嘅玫瑰花香嘅泉水，慢慢享受日本溫泉，咁Relax嘅體驗，你值得一試！

除咗露天風呂，仲有室內大浴場同桑拿等設備完善。

特別推薦嘅係酒店房型係和洋室「Yusuran（ゆすらん）」，房間內有兩張洋式床，結合榻榻米嘅和室，係一個融合和洋式嘅摩登客室。室內有大玻璃，可以眺望到琴平街景及金刀比羅宮嘅大門。甚至有啲客室嘅浴室望出去都可以望到呢個美麗景色。

無論同屋企人、朋友、定係帶埋小朋友嘅旅行，一班人住喺呢間房，夜晚一齊玩就最正啦！

景觀餐廳內嘅廚房帶有歌舞伎舞台嘅氣氛，利用當造食材制作日式會席料理。可以一邊欣賞琴平嘅夜景，一邊品嚐美味料理。

自助餐形式嘅早餐提供總共50種豐富和洋式料理，例如即叫即整嘅烏冬、天婦羅、刺身等，食得夠哂豪華！仲有雞蛋料理、炸物、烤焗食物等都由廚房焗爐現製，臨場感十足。所謂「一日之計在於晨」，好好品嚐當地新鮮食材，從一早起身就食餐豪嘅！

其他仲有酒店大堂嘅咖啡廳「天之川」、個室包廂用餐嘅料亭「櫻花亭」。辦理入住手續時，仲可以得到抹茶及和菓子，體驗「おもてなし」，充滿日本實感嘅日式待客之道。