日本忍者，因經常出現係動畫或者電影入面，所以喺全球嘅知名度(?)都上升中。有啲旅客嚟到日本，都會想「見下忍者」或者想「試下變身做忍者」。
您知道嗎？其實喺東京有地方可以俾你見到忍者，又可以食到忍者料理，甚至做埋忍者，畀你一次過滿足哂所有忍者夢。一齊跟小編嚟睇下呢間喺淺草嘅忍者體驗餐廳「NINJA Café ＆ Bar」。
變身忍者 漫步淺草街頭
淺草街上成日都可以見到著和服或者浴衣嘅人。但你有無試過見到忍者呢？如果想要啲與眾不同嘅體驗，其實您可以揀著「忍者裝」喺淺草或隅田川等散步！
「NINJA Café ＆ Bar」提供2小時套餐，包哂忍者裝嘅租金、導覽、午飯同埋其他體驗！全部行程安排好哂，好輕鬆咁唔使花時間計劃！
旅遊書唔會教你去嘅景點 體驗行程帶您玩得更深入
其實，淺草有許好多大家唔知嘅正景點，參加體驗行程嘅話，就會帶您去平時旅遊書唔會介紹嘅地方，仲會講解淺草嘅歷史，等你進一步了解呢個地方。當然，全程都係忍者裝參加，好似忍蛋跟住忍者師傅咁。
吹箭、擲手裏劍 體驗忍者修行圓忍者夢
睇動畫或者電影嘅時候，係咪覺得忍者嘅忍術好勁呢？嚟到「NINJA Café ＆ Bar」，就可以親身著住忍者服，實際去體驗忍者修行，學忍術喇！
由忍者嘅打招呼方式(?)，到用唔同嘅暗器，例如手裏劍、吹箭、拔刀術，以至可以淨化心靈嘅茶道體驗等，都可以喺呢度體驗到。無論大人定小朋友都可以體驗到做忍者嘅樂趣。仲可以同朋友一齊比試一下高下。
多元化美食 素食者都可以大大滿足
而進行完忍者修練之後，就可以食返餐飽嘅。NINJA Café，顧名思義會提供特製嘅忍者餐。今次小編點嘅係手裏劍咖哩飯同埋大阪燒，仲有特色忍者布甸做甜品。另外，店家考慮到有旅客會食素，所以只要預先聯絡預約，店入面大部份嘅菜式都可以改成素食，係咪好貼心呢？因為嘢食真係好特別，仲可以影埋相分享畀朋友睇，又食又玩好開心！
小編最想推介嘅係…布甸！
忍者店員拎咗布甸嚟之後，居然！喺我地面前點火！！呢個表演又特別，而食起上嚟布甸仲有微熱，燒布甸食落口感滑順，甜而不膩，相當好吃！
「NINJA Café ＆ Bar」同一般咖啡廳唔同，非常有特色，適合鍾意與別不同嘅你。連裝修同洗手間都好特別，令人忍唔住影相！另外，仲有好多特色飲品同食物。店員除咗講日文之外，仲好多識用英文溝通。下次有機會嚟到淺草嘅話，不妨都將呢個「忍者景點」列入行程，玩一趟與眾不同嘅淺草半日遊！
店鋪資訊
- 店名：NINJA Café & Bar
- 地址：東京都台東區西淺草3-27-14
- 營業時間：11:00～23:00
- 休息：不定
- 交通方式：
- TSUKUBA EXPRESS「淺草站」步行5分鐘
- 銀座線「田原町站」步行8分鐘、「淺草站」步行10分鐘
- 日比谷線「入谷站」步行8分鐘
- 都營淺草線「淺草站」步行10分鐘
- JR山手線「鶯谷站」步行10分鐘
Comments