山口縣荻市嘅松陰神社，主要祭祀日本人無人不知無人不曉、江戶時代末期嘅教育家及思想家——吉田松陰。神社境內有吉田松陰主辦嘅學堂「松下村塾」、昔日嘅宅邸等，可以講係明治維新嘅發源地之一。另外，松陰神社亦有日本人氣漫畫作品《銀魂》中登場嘅角色「吉田松陽」有關嘅景點。
松陰神社小檔案
松陰神社創建於明治40年（1907年），主要供奉吉田松陰。日本漫畫家空知英秋筆下被改編為動畫及電影嘅名作《銀魂》故事中登場嘅人物吉田松陽，就係以松陰神社主祭祀神吉田松陰為原型。
另外，井上真央主演嘅2015年NHK大河劇《花燃》，主要講嘅就係吉田松陰嘅妹妹「阿文」嘅一生，松陰神社亦係取景地之一。
神社內有好多同吉田松陰有關嘅景點，例如展示吉田松陰遺物嘅松陰神社寶物殿 至誠館、深入淺出介紹吉田松陰一生嘅吉田松陰歷史館、平成27年（2015年）登錄成世界遺產嘅松下村塾，仲有幽禁吉田松陰嘅舊宅等等。另外，平成30年（2018年）完工嘅學問之道沿途設立咗25個吉田松陰語錄嘅立牌。
參觀松陰神社前不可不知：「吉田松陰」係何許人物？
吉田松陰係日本中小學歷史教科書上，一定會介紹到嘅歷史人物。吉田松陰喺天保元年（1830年）出生於長州藩（現山口縣範圍），之後喺叔父玉木文之進開設嘅學堂學習。
1854年，吉田松陰打算從靜岡縣下田坐上美國旗艦偷渡赴美，結果被美國將領培里拒絕。吉田松陰因違反了鎖國令，受江戶幕府懲罰而被幽禁於山口縣嘅荻呢個地方度。
之後，吉田松陰繼承咗自己叔父開辦嘅學堂松下村塾。不論階級身分，有教無類，人人都可以在此學習，培育出好多明治維新嘅志士。但係吉田松陰最終因被認為預謀刺殺幕府高官、激烈抨擊幕府而被判死刑，1859年被處以死罪，享年29歲。喺松下村塾小小嘅教堂裡，掛咗吉田松陰嘅肖像畫及雕像。
可以睇到被列為世界文化遺產嘅景點！松陰神社嘅三個必睇重點
松陰神社必看① 松下村塾
「松下村塾」，一個只有8個榻榻米大小、簡樸嘅房間，開學僅短短一年教授歷史、兵學、經濟學等，就培養咗好多例如高杉晉作、伊藤博文、桂小五郎（木戶孝允）等明治維新時期嘅能人志士。
松陰神社必看② 松陰神社寶物殿至誠館
喺松陰神社寶物殿至誠館內，有免費亦有需付費進入嘅展覽，喺度可以睇到吉田松陰嘅生平年表「松陰的生涯」；付費展覽內，「時代的書院」展區陳列著松陰嘅遺物。
松陰神社必看③ 吉田松陰歷史館
吉田松陰歷史館透過70多座真人大小嘅蠟像及20幾個場景，讓參觀者能夠輕鬆了解吉田松陰嘅一生。
到松陰神社祈求學業運
去松陰神社主要祭祀日本嘅教育家吉田松陰，所以係一間祈求學業進步嘅神社，有好多人特地前來祈求學業有成、考試合格等。
松陰神社必買！可愛「傘籤」
松陰神社嘅「傘籤」源自「開傘＝開運」呢個意思，非常受歡迎（300円日圓）。可以將願望、比賽、學業等願望寫喺傘籤上祈求能夠實現。
去松陰神社嘅資訊
從新山口站出發前往松陰神社，有兩種方式：
- ［JR］新山口站→［中國地區JR巴士］→經由山口市［特急HAGI號］→約90分鐘→JR東萩站步行約15分鐘
- ［JR］新山口站→［防長交通巴士］→經由美東町［特急HAGI號］→約70分鐘→JR東萩站步行約15分鐘
關於神社
- 建立於：明治40年（1907）
- 主要祭神：吉田松陰
- 祭典：春季大祭・祈年祭（5月25日）、生誕祭（8月4日）、秋季大祭（10月27日）等
景點資訊
- 名稱：松陰神社
- 地址：山口縣萩市椿東1537番地
- 開放時間：至誠館9點~17點（最後入館16點30分）
- 固定休息日：沒有
- 入場費：參拜免費（誠館嘅展示室入館門票500円、吉田松陰歷史館入館門票500円）
- Wi-Fi：沒有提供
- 語言對應：僅限日文
- 購票方式：現場購票
- 可否使用信用卡：不可
Comments