福岡市博物館位於福岡市區，館內展示多個同福岡當地歷史文化相當有淵源嘅歷史文物同資料。透過各種展品介紹，讓人更了解福岡嘅歷同當地居民嘅生活。
關於福岡市博物館
福岡市博物館藏有古代中國傳來嘅「金印」，亦被日本政府列為日本國寶。同時，館內亦展出咗多個福岡藩主黑田家相關嘅文物同資料。館藏嘅眾多收藏品都具有重要嘅歷史價值。
除咗常設展覽同企劃展覽等展出之外，偶爾都會舉辦特別展覽，介紹日本國內外嘅文化。
福岡市博物館嘅推薦看點
福岡市博物館嘅三個展覽室中，以常設展覽室為中心，可以欣賞到好多珍貴嘅文物資料。此外，喺博物館內商店可以買到國寶「金印」嘅複製品同其他特產紀念品。館內亦有咖啡店提供餐飲服務，可以喺度小憩用餐。接下來為大家介紹各展覽室嘅推薦看點。
介紹福岡嘅歷史同人民生活樣貌嘅常設展覽室
常設展覽室劃分為11個展區，分為唔同主題去介紹福岡嘅歷史同民俗。從古代嘅土器，到日本最古老可行駛汽車「ARROW號」等等，根據主題展出多元豐富嘅展示品，以供訪客鑑賞。
其中，被列為國寶嘅「漢委奴國王」金印，係喺西元57年，由當時嘅中國後漢時期嘅光武帝賜予嘅珍貴文物。上頭係蛇形造型「蛇鈕」嘅黃金印鑑，邊長2.3厘米，重量108克，雖然體積細但係好實在。
透過唔同主題，分門別類欣賞文物展品嘅企劃展覽室
分為4間展室嘅企劃展覽室會定期更換唔同主題嘅展示物品，舉辦有關歷史同文化嘅各種企劃展。展示內容從考古、歷史、民俗到美術工藝品等，有多方面多元化嘅主題，仲可以鑑賞到同福岡藩主黑田家有關嘅文物等，以及該博物館所藏或來自館外嘅珍貴文化財產。
能欣賞巡迴展覽嘅特別展覽室
喺特別展覽室，一年當中會舉辦5至6個特展，展出有關日本或世界各地嘅歷史、文化等主題特展。透過唔同主題嘅特展，可以欣賞到日本國內嘅美術品，以及世界各國美術館、博物館嘅繪畫同出土文物等等，喺唔同時期可以鑑賞到不同但皆具有魅力嘅展品。
親自接觸學習亞洲各地異國文化嘅學習體驗室
喺學習體驗室，設置展示有來自亞洲各地嘅玩具、樂器、服飾、生活用品等等。唔只可以欣賞展品，仲可以實際使用各種展示用品。可以自由玩、彈奏樂器、或著民族服飾影相留念，歡迎大家自由體驗！
福岡市博物館嘅開放時間同門票費用
福岡市博物館嘅開放時間為09:30～17:30，依時期而定，亦有延長開放至夜晚8點嘅日子。最後入館時間皆為閉館30分鐘前為止。逢星期一休館（若星期一為假日，則第二日休館），日本新年假期都會休息，但八月嘅日本盂蘭盆節期間每日都會開館。
常設展覽室、企劃展覽室嘅參觀費用為成人每人200円、中學高中生及大學生150円、中學初中生以下免費參觀。另外，參觀特別展覽嘅門票費用為另行設定及收費。（2019年7月資訊）
去福岡市博物館嘅交通資訊
想去福岡市博物館的話，有幾種唔同嘅方法。可以選擇從地鐵西新站過去，或者從JR博多站搭西鐵巴士去。如果搭地鐵的話，至西新站落車後從1號出口徒步約15分鐘。另一方面，從JR博多站搭巴士，車程時間約25分鐘，到博物館北口巴士站落車，徒步約5分鐘即達。
景點資訊
- 名稱：福岡市博物館
- 地址：〒814-0001 福岡市早良區百道濱3-1-1
- 交通：西新站1號出口...徒步約15分鐘 或 博多站→[西鐵巴士] 車程約25分鐘→博物館北口...徒步約5分鐘
- Wi-Fi：有提供（Fukuoka City Wi-Fi）
- 語言：導覽手冊及常設展覽室語音導覽：中文、英文、韓文
- 館內諮詢服務：英文
- 購票方式：於入口處購票
- 可否使用信用卡：不可
Comments