位於北九州市嘅TOTO博物館，係生產製造廚房同衛浴設備嘅企業「TOTO」旗下商品暨資料展示設施。館內展出被認定為文化遺產之收藏品，而且有陳列唔同主題嘅特別展示。
TOTO博物館嘅簡介
TOTO博物館喺2015年開館，係為咗迎接2017年「TOTO」創立100周年而設立。館內展示從企業創立至今嘅歷史同文件資料，仲有免治馬桶、衛浴設備、廚器餐具等各式各樣嘅產品。透過呢啲展示品就可以了解到更多TOTO對製造產品嘅堅持，並且可以學習到持續進步革新嘅廚潔用具之歷史。
TOTO博物館嘅推薦看點
TOTO博物館嘅各個展覽室展出唔同主題嘅展示品。呢篇文章就為大家介紹各展覽室嘅特徴及推薦看點，同埋去到博物館都唔可以錯過嘅紀念品商店。
TOTO博物館 第一展覽室
第一展覽室展出TOTO企業創業軌跡同歷史嘅資料，並介紹浴廁用品嘅製造過程。其中喺「食器的歷史」專區，仲展示咗好多精美嘅食器餐具，好值得一看。TOTO公司喺創立初期約50年間曾經係餐具嘅製造銷售業者，呢個專區展示咗當時製造嘅寶藍色食器同直徑將近1米公尺嘅大盤等等，可以欣賞到各式各樣嘅食器餐具。
TOTO博物館 第二展覽室
而第二展覽室就會介紹衛浴設備嘅歷史同進化過程，並展示實際嘅產品，以及介紹TOTO創立者等前人理念之相關展品。特別係喺「衛生設備之進化」專區，展示一連串隨著時代變遷而改變外型及機能嘅產品，可以睇得出商品演變嘅過程，相當有趣。除咗按照廁所及浴室等分類展示產品之外，仲有重現舊總理大臣官邸等知名建築物中設置嘅TOTO製品，按照空間完整再現之展示。
TOTO博物館 第三展覽室
第三展覽室「GLOBAL GALLERY」則展示TOTO喺世界各地所販售之產品。以區域分別展示於美國、中國、亞洲、大洋洲、歐洲等唔同地域嘅浴廁設備，可以睇得出喺世界各地嘅產品有咩不同之處同地方特色，相當有趣。
售賣特別紀念品嘅TOTO博物館商店
紀念品商店陳列販售各種原創相關商品。例如有縮小版嘅馬桶模型或馬桶造型嘅肥皂等等，有好多特別且有趣嘅紀念品，買嚟做手信都好呀。
開放時間及入場費
TOTO博物館嘅開放時間為10:00至17:00，最後開放入館時間至16:30為止。每逢星期一、夏季休假及日本新年假期休館。
此外，TOTO博物館為免費入場，無需購票，如果去到北九州市可以安排落行程呀。但係團體參觀嘅話就需要預約（即20人以上及/或乘搭包租巴士)。
去TOTO博物館嘅交通資訊
要去TOTO博物館，可從JR小倉站小倉城口嘅「小倉站巴士中心」乘搭西鐵巴士。從1號乘車處乘搭21・22・43號巴士，或從2號乘車處乘搭25號巴士，車程時間約15分鐘，到貴船町巴士站落車。
景點資訊
- 名稱：TOTO博物館
- 地址：〒802-8601 福岡縣北九州市小倉北區中島2-1-1
- 交通方式：小倉站→[西鐵巴士] 約15分鐘→貴船町巴士站...徒步不久即達
- Wi-Fi：有提供
- 語言對應：中文（繁體及簡體）、英文、韓文、泰文、越南文、法文、德文、西班牙、馬來文
- 可使用信用卡：AMERICAN EXPRESS、Diners Club International、Discover Card、VISA、MasterCard、銀聯卡（僅紀念品商店可使用信用卡）
Comments