山口縣有各種山珍海味同水果等各式各樣嘅料理美食。另外，由於山口縣以生產清酒聞名，好多餐廳都可以品嚐當地釀造嘅清酒。今次小編要為大家介紹山口旅遊推薦必食嘅5種美食。
山口縣必食：河豚
專門販賣河豚嘅山口縣下關市「南風泊市場」，處理嘅河豚量約佔日本全國百分之七十。來自全國各地天然養殖嘅河豚匯集於此，被譽為日本嘅「河豚之家」。呢度有各式各樣嘅河豚料理，其中最受歡迎嘅係河豚刺身。切成透明薄片嘅河豚刺身，口味相當清爽、肉質彈牙、鮮甜美味。
河豚套餐可以食到河豚天婦羅、炸河豚、河豚火鍋等唔同風味同口感嘅河豚。套餐價格依內容而有不同，從5,000円到幾萬円嘅高級套餐都有。如果想慳錢，可以單點或嗌河豚定食套餐。（2019年7月資料）
山口縣內有好多日本料理店可以食到河豚料理。其中，關市嘅老店「春帆樓」、「河豚處 喜多川」最出名。
山口縣必食：岩國壽司
「岩國壽司」係17世紀繁榮發展嘅城下町「岩國市」嘅一種鄉土料理，據聞過去係獻俾城主嘅壽司，以及作為戰爭時保存嘅食品。岩國壽司係將壽司醋飯同配菜（用醋醃漬嘅魚肉、蛋絲、香菇等食材）一層一層堆疊，分層放入大木箱，再壓實形成色彩繽紛、箱型嘅超大塊壽司，要食嘅時候切成小塊。味道非常美味、可以食到醋飯嘅香味與微微嘅甜味。
出名嘅壽司店集中於岩國城下町地區。其中，特別推薦老店「錦帶橋TAMOTO HIRASEI（錦帯橋たもと ひらせい）」、料理旅館「半月庵」。單點壽司大約1,000円；定食套餐大約1,000〜2,000円，可以食到岩國當地用雞湯熬煮而成嘅傳統煮物「大平」。（2019年7月資料）
山口縣必食：瓦片蕎麥麵
「瓦片蕎麥麵」係起源於山口縣下關市川棚溫泉嘅一道傳統料理。據聞喺19世紀戰爭期間，士兵將肉、蔬菜放喺瓦片上燒嚟食。之後由瓦片蕎麥店創始店「元祖瓦片蕎麥TAKASE(たかせ)」發揚光大。喺燒熱嘅瓦片上，放抹茶蕎麥麵、牛肉、蛋絲等食材，再淋上醬汁一齊享用。另外，瓦片蕎麥麵亦因為喺人氣日劇《逃避雖可恥但是有用》中出現而爆紅。
想食瓦片蕎麥麵，可以去川棚溫泉嘅「元祖瓦片蕎麥TAKASE（たかせ）」、「瓦片蕎麥麵本店 多福」、下關市或山口市市區，當地有多間餐廳可以食得到。大部分店鋪嘅瓦片蕎麥麵價錢都經濟實惠，大約1,000円左右。（2019年7月資料）
山口縣必食：日本酒「獺祭」
「獺祭」係日本最具代表性嘅清酒之一。獺祭嘅釀酒廠「旭酒造」位於山口縣岩國市。「旭酒造」採用熟練嘅釀酒技術，釀造過程大部分都無依賴機械。高品質嘅獺祭，耗費咗好多時間同精力先能完成。精心釀造嘅獺祭，略帶甜味、不含雜味、味道清爽。
想品嚐獺祭，可以去「懷石居酒屋 漁火」、「三代目網元 魚鮮水産 AISTA新山口店」等日本料理店或居酒屋。預嗌埋嘢食送酒的話，預算大約2,000〜5,000円。 （2019年7月資料）
山口縣必食：柚子
萩市嘅川上地區係日本唯一「柚子自然生長地」，被列為特別天然記念物。「川上柚子」係以天然生長嘅柚子種子栽培而成，香味持久又特殊。另外，亦用咗「川上柚子」製成柚子醋、果醬、果汁等加工品。各產品根據尺寸同容量，售價略有不同，價格大約600円起。 （2019年7月資料）
想買川上柚子產品，推薦去萩市嘅「柚子屋本店」或柚子醋專門店「岸田商會」，或者販售柚子味噌等產品嘅「公路休息站ASAHI（道の駅あさひ）」。
Comments