東福寺為京都五山中排行第四嘅大寺院，宏偉嘅寺院建築物及四個不同風格嘅庭園為特點。連結本堂及開山堂之間嘅橋「通天橋」為賞紅葉勝地。紅葉季為11月至12月頭，吸引眾多遊客前往造訪參觀。
關於京都東福寺
於嘉禎2年（1236）由攝政嘅九條道家興建東福寺作為九條家嘅家族寺院，由円爾弁円開山住持。東福寺嘅名稱取自喺奈良繁榮興盛嘅東大寺嘅「東」及興福寺嘅「福」。寺內有本堂、方丈、禪堂等25座寺院建築物。三門因火災遭受摧毀，其後於室町時代重建，但係日本最古老及規模最大嘅禪堂，內部天花板上有一幅「極彩画（色彩鮮艷嘅畫）」，更被列為日本國寶。
東福寺嘅日式庭園非常值得一去
東福寺嘅東南西北四個方位設有唔同風格嘅庭園。東庭嘅地上以「雲文」式樣（雲的圖案）及石柱佈置出北斗七星，用植物籬笆表現出銀河系。而南庭有4個巨石及白砂紋，表現山與海於漩渦中波濤洶湧嘅情景。北庭則以石頭及青苔打造成格紋狀佈局。西庭就係以修剪過嘅皋月杜鵑樹及砂地構成井字格紋佈局嘅庭園。
東福寺嘅秋楓景色
連結開山堂及寺院方丈居所之間嘅橋廊「通天橋」作為賞紅葉勝地而聞名。以三角楓為主約2,000株紅葉，加上廣闊溪谷美景嘅「洗玉澗」溪谷為必去景點。猶如一片一望無際嘅楓葉紅毯。
去東福寺嘅交通及參觀資訊
從京都站去東福寺出發嘅話，搭京都市巴士88或208路線，約15分鐘後到東福寺站落車行10分鐘，或從京阪電車鳥羽街道站行約8分鐘都去到。或者搭電車到京阪或JR東福寺站徒步約10分鐘抵達。
參拜時間根據時期有所差異。主要開放時間以下：
- 4至10月底：09:00-16:00（16:00截止入場，16:30正式關閉）
- 11至12月第一個星期日：08:30-16:00（16:00截止入場，16:30正式關閉）
- 12月第一個星期日至3月底：09:00～15:30（15:30截止入場，16:00正式關閉）
另外，通天橋、開山堂、東福寺本坊庭園全年開放。參觀參拜費用方面，通天橋、開山堂及被列為國家名勝嘅東福寺本坊庭園都係400円。
景點資訊
景點名稱 : 東福寺
- 地址 : 〒605-0981 京都府京都市東山區本町15丁目778
- 交通方式 : 京阪或JR東福寺站徒步約10分鐘
Comments