石川縣5大必食特產美食

如果你去石川縣旅行，咁就一定要抽時間去搵一搵當地嘅美食！你可以揀石川嘅鄉土料理、水果等，當中最受歡迎就係新鮮海鮮美食！今次就同大家介紹五款推介特產！去到石川縣就唔好錯過啦～

石川特產美食①Ishiri料理（いしり料理）

「Ishiri（いしり）」源自能登半島，係一種由魷魚同魚製成嘅「魚醬油」。唔同一般醬油，魚醬油有幼滑口感。當地有好多食物都有用Ishiri魚醬油調味製成，例如火鍋、拉麵、沙律等各種食物。

如果你想試吓Ishiri魚醬油嘅食物，咁就要去能登町喇。想試Ishiri火鍋推薦去「Asahi（あさひ）」，想食拉麵就推薦去「七味拉麵（七味ラーメン）」啦。

喺石川縣嘅金澤港同橋立港捕獲嘅蟹產量係數一數二嘅，被稱為加能蟹同香箱蟹嘅楚蟹都好出名。喺石川縣可以品嚐到多種唔同製法嘅蟹料理，例如水煮、燒烤、壽司等有各式各樣嘅食法。當中最普遍係水煮蟹，但係咁難得去到盛產地，想食蟹嘅鮮味就最推薦食壽司或海鮮丼飯喇！

想食壽司或海鮮丼飯，喺金澤地區、橋立所在地嘅加賀地區都有好多餐廳選擇。不過想食「鮮」啲，梗係去近江町市場最好啦，又多店舖可以慢慢揀！

「能登丼」飯係用喺奧能登捕獲嘅食材製成嘅丼飯。飯碗上盛載奧能登出產嘅米飯、蔬菜、海鮮、肉類等，份量十足！每間店提供嘅能登丼嘅主要食材都會唔同，但最受歡迎都係能登牛製成嘅「登能牛丼」同以新鮮海產製成嘅「能登海鮮丼」。

要食能登丼，咁就要去奧能登啦。當中輪島市同能登町有好多餐廳可以選擇。登能牛丼餐廳推介去「和味家竹次郎」，而能登海鮮丼就推介去「漁師之店 Kodawari（漁師の店こだわり）」。

小松烏冬嘅歷史可以追溯到1897年喺小松站附近嘅烏冬店開始。麵條嘅特徵係幼而有咬口，幼滑質感好易入口。而且以魚片及昆布製成嘅湯底煮得同麵條入味，清淡味道都係特色之一。

小松市內有好多飲食店都有提供小松烏冬，但出名嘅有小松烏冬發源店嘅「加登長」，同小松機場內嘅「中佐仲店」。

名為「Ruby Roman」係石川縣最高嘅山峰上所生產嘅葡萄，非常甜，而且酸味少。作為水果可以成粒食，充份享受佢嘅鮮甜味，但小編推薦嘅係用Ruby Roman整嘅芭菲！

如果想買原汁原味成粒咁食嘅話，可以去「Sakaida Fruit（サカイダフルーツ）」同「Fruit平野屋（フルーツ平野屋）」水果店買。想試Ruby Roman芭菲的話，推介去「Italian Cafe Budoonoki（イタリアンカフェぶどうの木）」嘅總店或分店呀。