屋久島位於九州半島南方60公里處嘅一個島嶼,亦係九州最高峰「宮之浦岳」(海拔1,936米)嘅所在之地。屋久島上嘅原始自然環境豐裕,有好多山脈,亦有好多珍貴樹木林立,包括島上代表性植物「屋久杉」。事實上,屋久島有90%嘅面積係森林!以下小編就為大家介紹如何進入仙境欣賞「屋久杉」!
什麼是屋久杉?
屋久島海拔約500米,係一個適合「屋久杉」生長嘅自然環境。唔只屋久島,九州其他地方都種有杉木,甚至遠至日本東北地區都有,例如青森縣嘅津輕半島。分佈到日本各地,據說係日本獨有嘅樹種。
屋久杉森林樂園(Yakusugi Land)
「屋久杉森林樂園(Yakusugi Land)」係一個適合男女老幼去嘅地方,就算係行山或健行新手,都可以安全地觀賞屋久杉。園內可以睇到獨特嘅樹形,例如佛陀雪松、雙胞胎雪松、「圓形通道」、「父母與孩子」、「鬍鬚」等造型。另外,仲有完善嘅行人步道,讓遊客可以輕鬆欣賞美麗嘅屋久杉,唔使辛苦喺森林行上行落。園區內共有四條路線,需時約30分鐘至150分鐘不等,可以按個人喜好行最適合自己嘅路線。
屋久島因屋久衫而被列為世界自然遺產
屋久島係適宜樹齡達數千年嘅屋久杉生長嘅地方,呢個亦係屋久島喺1993年被列為世界遺產嘅原因之一。屋久杉樹幹筆直、重量輕盈,非常適合用嚟作為工藝品嘅原料,自古以來喺日本各地就被廣泛使用。屋久杉作為一種神聖嘅樹木而備受喜愛,係美麗樹木嘅代名詞。屋久島嘅屋久杉森林,屬於難得一見能夠讓人體驗原始天然森林嘅地方,希望人類可以好好珍惜並守護呢片自然瑰寶啦~
景點資訊
- 名稱:屋久杉森林樂園(Yakusugi Land)
- 地址:鹿兒島縣熊毛郡屋久島町荒川
- 交通:宮之浦或安房→[巴士]→屋久杉森林樂園(12月1日至隔年2月底暫停服務)
- 費用:中學高中生或以上:300円(作維護森林經費之用)、巴士車票1,570円
- 可以使用信用卡:不可
Comments