「乘鞍岳」位於飛彈山脈（北日本阿爾卑斯山）南部，係橫跨長野縣松本市同岐阜縣高山市之間群山嘅總稱。包含海拔3,026米嘅「劍之峰」在內有23座山峰、7個湖、8片平原嘅乘鞍岳，入選為日本百名山之一。乘鞍岳地區嘅群山因形狀類似馬鞍而得名。乘鞍岳山腳下有好多溫泉地，吸引眾多登山客同滑雪愛好者。今次小編就同大家介紹一下乘鞍岳嘅熱門景點之一「白骨溫泉」。
喺江戶時代作為溫泉療養地嘅白骨溫泉
「白骨溫泉」於江戶時代係作為湯治場（溫泉療養地），溫泉水含有炭酸鈣，水質呈現濁白狀。溫泉池內因為有白色溫泉，被稱為「白船」，明治時代後，因文獻記載為「白骨」而得名。溫泉屬弱酸性，係可以飲用嘅源泉。白骨溫泉名產「溫泉粥」使用白骨溫泉水製成，入住當地酒店旅館食早餐時就可以食到呢種粥，好受遊客歡迎。
喺白骨溫泉一試日本混浴體驗！
白骨溫泉有好多溫泉旅館，可以體驗水質濁白嘅混浴溫泉。不妨試吓同屋企人朋友一齊試吓浸啦。
爬上乘鞍岳欣賞四季更換嘅大自然美景
乘鞍岳嘅四季景色各有魅力。春天有櫻花同水芭蕉，遠望仍留有殘雪嘅山頭都好靚；初夏時高山植物開花，山頭開花遍野；秋天楓葉飄落，又紅又黃；冬天有充足積雪可以滑雪。各季節都可以欣賞不同景色，係一個令人流連忘返，值得一去再去嘅地方！
景點資訊
- 景點名稱：白骨溫泉
- 交通方式：於ALPICO交通上高地線新島島站乘搭巴士約70分鐘
Comments