1998年冬季長野奧運使用嘅部分設施作為體育活動或演唱會等會場沿用至今。今次，小編就要同大家介紹長野奧運設施現今嘅面貌同當時所舉行嘅競技項目。
至今仍備受愛戴嘅長野冬季奧運而建凡設施
登上起跳點觀覽絕景嘅長野嘅「白馬跳雪競技場」
白馬跳台滑雪競技場當年係作為跳台滑雪嘅比賽場地，至今仍然用緊。喺位於140米高，一般跳台（Normal Hill）同大型跳台（Large Hill）之間，坐吊椅纜車就可以上到觀景台一望雪場絕景。喺建築物「Start Tower」嘅2樓仲有一個展出長野冬季奧運獎牌同冬奧映像嘅畫廊。
景點資訊
- 景點名稱: 白馬跳台滑雪競技場
- 地址：長野縣北安曇郡白馬村大字北城
- 交通方式：
- 白馬站徒歩45分鐘
- 乘搭巴士約5分鐘，於白馬八方巴士總站落車，徒歩20分鐘。
- JR大糸線白馬站乘搭的士約10分鐘
- 吊椅纜車營業時間：4月中～11月、12月中～3月
- 吊椅纜車營業時間：08:30～16:10（上行最後乘搭時間）16:30關閉
- 吊椅纜車往返費用：大人（中學高中生或以上）460円、中學初中生及小學生 280円
舉行長野奧運開場及閉幕儀式嘅「Nagano Olympic Stadium」
位於南長野運動公園内嘅Nagano Olympic Stadium，作為舉行長野奧運開場以及閉幕儀式嘅地方，2樓嘅「内野區」（即一壘、三壘及本壘位置）呈現花瓣形狀。現時被用作為職業式業餘棒球比賽嘅場地。位於附近嘅聖火台被保留，下方刻有長野奧運獎牌得主嘅名字。
景點資訊
- 景點名稱：Nagano Olympic Stadium
- 地址：長野県長野市篠之井東福寺320（南長野運動公園内）
- 交通方式：長野站乘搭信濃鐵道約12分鐘，於篠之井站落車，乘搭的士約10分鐘或徒歩40分鐘
- 是否提供Wi-Fi： 沒有
- 營業時間: 根據活動有所差異
- 入場費: 根據活動有所差異
速度滑冰會場「M-WAVE」
M-Wave係作為長野奧運會速度滑冰嘅會場，同時亦係殘奧會舉行開場及閉幕儀式嘅地方。屋頂呈現出代表長野山巒嘅M字形狀，因而命名為M-Wave。現時國際滑冰聯盟會喺度舉辦速度滑冰世界盃等大賽。
10月至3月開放俾一般人士使用，其餘時間則係會作為演唱會或展覽會等活動場地。館內設有長野冬奧會博物館，展出奧運火炬，獎牌等展品，仲會播放長野奧運會及殘奧會嘅3D映像。令大家可以回顧一下當時熱鬧嘅氣氛。
景點資訊
- 景點名稱：長野市奧林匹克紀念比賽場 M-Wave
- 地址：長野縣長野市大字北長池195
- 交通方式：長野站乘搭的士約15分鐘，或乘搭長電巴士約15分鐘， M-Wave落車徒歩3分鐘
- 是否提供Wi-Fi：僅長野冬奧會博物館內提供
- 營業時間 :10:00～17：00（根據活動或包場有所差異）
- 入場費 : 免費（速度滑冰使用時間：全日 大人1,540円、中學生以下820円）
- ※ 舉辦大會活動期間不開放給公眾使用。
冰上曲棍球比賽場地「BIG HAT」
BIG HAT當年係作為冰上曲棍球嘅主要比賽場地，而現時係一個多目的大型設施。屋頂猶如一頂大帽因而得名。現時BIG HAT喺冬天係冰上曲棍球同花式溜冰等比賽場地，而夏天則係用作著名歌手藝人舉辦演唱會或各展覽嘅場地。
景點資訊
- 景點名稱：長野市若里多目的Sports Arena Big Hat
- 地址：長野市若里3丁目22番2號
- 交通方式： 長野站乘搭的士約10分鐘，或乘搭長電巴士約10分鐘，於水野美術館落車徒歩3分鐘。
- 營業時間 : 根據活動有所差異
- 入場費 : 根據活動有所差異
花式溜冰會場「WHITE RING」
WHITE RING係花式溜冰及短道速滑比賽嘅會場。建築物外形猶如於清晨下閃閃發光嘅水滴。現時作為相撲，排球世界盃、業餘運動等比賽場地。運動設施會開放俾一般民眾使用。
景點資訊
- 景點名稱： 長野市真島綜合Sports Arena White Ring
- 地址：長野市真島町真島2268番地1
- 交通方式：長野站乘搭的士約20分鐘
- 營業時間 : 根據活動有所差異
- 入場費 : 根據活動有所差異（運動場，訓練室，網球場作另外收費）
Comments