位於千葉縣成田嘅「成田山新勝寺」係真言宗智山派嘅主要寺廟，係以供奉「成田山不動尊」而受到大家尊崇。成田山新勝寺鄰近成田國際機場，係遊客抵達機場後或出發回國前，都可以順道遊覽參觀嘅知名景點。喺廣大嘅寺院內，有好多推薦必看之處。就喺呢篇文章介紹吓成田山新勝寺嘅歷史同有咩推薦睇頭先！
成田山新勝寺的歷史和簡介
相傳係因為「不動明王」嘅神諭，寛朝大僧喺天慶3年（940年）建立成田山新勝寺。再者，歌舞伎演員「初代市川團十郎」有著虔誠信仰，打著「成田屋」嘅門派，演出不動明王登場嘅歌舞伎劇，而令廣大市民開始呢個信仰。寺院境内相當廣闊，有總門、仁王門、三重塔、大本堂、釋迦堂、光明堂等多數嘅堂塔伽藍等建築物。要遊覽車唒所有建築的話，需時大約一個鐘，建議預鬆啲時間慢慢行啦！
此外，喺大本堂後面有佔地多達約16萬5000平方米嘅成田山公園，行人步道設備完善。參拜過後，可以去埋呢度散散步，呼吸大自然新鮮空氣。春季有櫻花、秋季有紅葉，超靚美景都好出名㗎！
成田山新勝寺的推薦看點
而當中唔可以唔睇嘅係「三重塔」。保留從正德2年（1712年）興建當時嘅原貌，高約25米，被指定為國家重要文化財產。特別令人驚艷嘅係輝煌燦爛嘅彩色雕刻。其中有用一整塊木板，雕刻雲水紋裝飾喺各層垂木上，相當珍貴。好推薦造訪嘅旅客好好仔細欣賞。
另外，「仁王門」都係推薦看點之一。中央有掛寫有「魚がし（魚市場）」嘅紅色燈籠，係築地魚河岸市場店主所奉納之物。門嘅左右兩旁安放「密迹金剛」同「那羅延金剛」。仲有喺元祿14年（1701年）興建嘅「光明堂」同「釈迦堂」，係江戶時代中期建築物，都好珍貴。迎接參拜者嘅「總門」都要好好欣賞吓。
成田山新勝寺的祭典活動
一年中有各種祭典行事，其中最出名嘅係節分會同祇園會。每年節分會時都會邀請知名演員或相撲力士參與，祈求五穀豐饒，並撒豆祈福。祇園會已持續舉行咗約300年嘅歷史，喺每年7月上旬舉辦。光明堂裡安放「大日如來」嘅「奧之院」將會開門，為祈求五穀豐饒，而山車同屋台都會繞行巡境。
去成田山新勝寺的交通方式和參拜時間
從京成線「京成成田」站或JR「成田」站徒步約10分鐘。從成田機場出發嘅交通方式係從成田機場站（第1航廈）或機場第2航廈站（第2・第3航廈）乘搭京成電鐵京成本線，約8分鐘可抵達「京成成田」站，下車後約10分鐘。或搭JR成田線，約8分鐘就到JR成田站，落車後徒步約10分鐘。參拜時間無限制，全年無休。
景點資訊
- 名稱：成田山新勝寺
- 地址：〒286-0023 千葉縣成田市成田1番地
- 交通方式：參考上述內容
- Wi-Fi：有提供部分免費Wi-Fi
- 語言：備有中文、英文、韓文、泰文的導覽手冊
- 門票：免費
- 開放時間：可自由參拜
- 休息日：全年無休，可自由參拜
Comments