長野市戶隱神社位於靈山戶隱山嘅山麓，由奧社、中社、寶光社、九頭龍社、火之御子社5個神社組成，因神話而被廣為人知。今次就為大家介紹一下戶隱神社嘅歷史、特色同交通啦。
關於戶隱神社
創建於約2,000年前，神話中相傳「天岩戶」岩洞被投到戶隱山而變成現今嘅戶隱神社。而喺平安時代末期因作為修煉道場而聞名，當時戶隱神社被稱為戶隱山顯光寺，同比叡山（滋賀縣・京都府）、高野山（和歌山縣）一同興盛起來。及後喺明治時代因神佛分離，從而變成今時今日嘅戶隱神社。現時五社作為祈求各種願望嘅「能量點」（聚集靈氣嘅地方）而吸引眾多遊客同信眾前往參拜。
戶隱神社嘅特色
戶隱神社嘅最大看點就係本社嘅「奥社」。背後有靈山‧戶隱山聳立，本社供奉著天手力雄，有眾多參拜者都會嚟呢度祈求開運、心想事成、五穀豐收、運動比賽必勝等等。喺約2公里嘅參道上，兩邊排著樹齡約400年以上嘅杉並樹被列為長野縣天然紀念物。而途中可以見到以茅草製作嘅朱紅色山門隨神門都係必訪之處。
另外，「九頭龍社」內裏供奉水神、雨神、姻緣神、祈求牙齒健康而聞名嘅龍神，仲有種有超過樹齢500年以上嘅「夫婦杉（二本杉）」嘅「火之御子社」、散發莊嚴氛圍嘅「寶光社」社殿都好有睇頭。
去戶隱神社嘅交通方法
從JR長野站7號乘車處（Alpico長野站前綜合案内所）乘搭「經由ループ橋前往戶隱高原」嘅巴士。以下為前往各神社寺廟嘅交通方法。
去寶光社嘅交通方法
於戶隱寶光社落車（所需時間約1小時）
去中社嘅交通方法
於戶隱中社落車（所需時間約1小時7分鐘）
去火之御子社嘅交通方法
於戶隱營業所落車（所需時間約1小時5分鐘）
去奧社以及九頭龍社嘅交通方法
於戶隱奧社入口落車（所需時間約1小時10分鐘）。另外去奧社的話，從巴士站出發大約要行2公里嘅上斜路，慢慢行嘅話所需時間大約40分鐘。請注意冬天嘅時候係唔會停「奥社」站。但可以喺中社開始行或搭的士去都得。
參拜戶隱神社嘅路線
如果想參拜位於戶隱山山麓嘅5座神社，需要事先計劃好行程。想以走路形式去唒所有神社的話，約需大約4個鐘。無特別嘅參拜順序，但推薦將奧社安排喺行嘅程最後。建議從深處嘅奧社至寶光社、火之御子社、中社、九頭龍社、奧社嘅順序參拜。行人步道整備良好，但到處泥濘，建議穿著方便行走嘅服裝。
景點資訊
- 景點名稱：戶隱神社
- 地址：長野縣長野市戶隱3506（中社）
- 票價：免費
- 時間: 09:00～17:00
- 休息日：全年無休
Comments