「昨日嘅美食」展 6月13日～7月7日 於 澀谷 GALLERY X BY PARCO 展出
東京電視台現正撥放嘅日劇「昨日的美食」（原作：吉永史、連載喺講談社「Morning」），西島秀俊所飾演嘅筧史朗同內野聖陽飾演嘅矢吹賢二，兩人透過餐桌上嘅美食，描繪有時微微苦澀嘅溫馨人生中，體會嘅人情世故，係呢季備受矚目嘅日劇之一。
就帶一個喜愛日劇嘅朋友們一個好消息啦！東京電視台同PARCO喺GALLERY X BY PARCO共同舉辦「昨日的美食」展，將從2019年6月13日（星期四）至7月7日（星期日）於 澀谷 GALLERY X BY PARCO 展出。
呢次展覽，除咗重現日劇嘅場景、劇中使用嘅小道具、眾多知名場景嘅照片之外，仲展示咗原著漫畫作品嘅複製原畫，將原著同日劇中細緻打造嘅「微微苦澀嘅溫馨人生中感受嘅人情世故」忠實呈現喺fans面前。另外，展覽會場亦有賣會場限定嘅原創周邊商品。
整個立體空間打造出日劇同原著嘅世界觀，讓人融入其中，幻想自己嘅日常生活都係史朗、賢二嘅日常生活，兩者互相交錯，然後睇完展覽，走出會場嗰刻，話唔定會摸摸肚仔大喊肚餓添！
「昨日的美食」講咩㗎？
「昨日的美食」係講擅長煮嘢食且勤儉持家嘅律師筧史朗、同和藹可親嘅髮型師矢吹賢二呢對男男戀透過每日餐桌美食，描繪喺有時微微苦澀嘅溫馨人生中，體會嘅人情世故，係吉永史所著嘅人氣漫畫！
而同名日劇由熱門嘅實力派演員 西島秀俊、內野聖陽領銜主演，忠實且細緻地描繪出原著嘅故事，充滿對原著作家同fans嘅尊敬同愛情。
呢部日劇喺決定拍成日劇嘅消息發表時，其選角同忠實呈現原作等細節喺各大社交網絡造成一時轟動，無及時睇首播嘅日本人，喺網路上睇返重播，點擊率都突破咗155萬次！而「#昨日的美食」更登上日本人愛用社交網站twitter嘅熱搜第一位。另外，喺4月25日發售嘅官方食譜書（講談社）先啱啱開賣，就喺2個禮拜內銷量突破10萬冊，可謂係2019年上半年最受矚目嘅日劇之一。
演員卡司
- 主演：西島秀俊、內野聖陽
- 劇本：安達奈緒子
- 導演：中江和人、野尻克己、片桐健滋
- 原著：吉永史「昨日的美食」（講談社「Morning」連載中）
劇中曲目
- 片頭曲： 「帰り道」 OAU (OVERGROUND ACOUSTIC UNDERGROUND) ＜NOFRAMES/TOY’S FACTORY＞
- 片尾曲： 「iをyou」Friends ＜Sony Music Records＞
電視台
- 東京電視台系列
播放日期
- 2019年4月5日（星期五）開始 每週五深夜12點12分 ※大阪電視台為隔週一深夜12點12分
展覽資訊
- 展覽名稱：「昨日的美食」展
- 展期：2019年6月13日（星期四）～7月7日（星期日）
- 會場：GALLERY X BY PARCO 東京都澀谷區宇田川町13-17
- 營業時間：11：00～20：00 ※展期每天舉辦，會期當中無公休日，每隔30分鐘為單位指定時間入場制
- 門票：800円（含稅）（附特典） ※學齡前兒童免費
- 售票通路：5月25日（星期六）10點起開始販售預售票，可於LAWSON購買 ※會否販賣當日票事宜，預計於日後公佈
- 主辦單位：東京電視台、PARCO
- 企劃製作：東京電視台、PARCO
- 協辦單位：講談社／「昨日的美食」製作委員會
- 官方網站：「昨日的美食」展
Comments