長野縣「小布施町」：充滿歷史性與藝術嘅人文小鎮

長野縣小布施自古以來深受文人愛戴嘅地方。聚集眾多歷史、藝術人文觀光景點。另外，小布施町東邊有北信五岳，西邊有千曲川河流，係一個自然環境豐富嘅地方。

小布施町係邊度嚟？

小布施係一條位於長野縣東北部嘅村落。主要觀光地區指嘅係由小布施站附近步行1個鐘左右到郊外地區嘅範圍。建議搭小布施町周遊接駁巴士「Obuse浪漫號」，可以更有效率地遊小布施。

小布施町保留咗日本懷舊古老街道，甚至部份民家開放自家日式庭園俾遊客觀賞。除此之外，仲有寺院，博物館，美術館等各式觀光景點。

岩松院歷史悠久，大約於500年前開山。岩松院亦係一個與日本著名俳句詩人同浮世繪師等文人有關嘅地方。最特別嘅係位於正殿天花板上，由葛飾北齋晚年所繪製嘅名作《八方鳳凰圖》。呢福畫作色彩鮮艷，無論咩角度觀賞，天花板上嘅鳳凰都好似直視緊你咁，係一幅具有魄力嘅繪畫。

小布施內有各種範疇嘅博物館、美術館。例如有以繪畫、燈具、茶器、陶器等為主題嘅博物館。展出從1850年代至現代嘅作品應有盡有，可以感受到日本歷史以及技術嘅變遷。大部分美術館均聚集於小布施車站附近，一於嚟個博物館、美術館一日遊！

小布施有「小布施栗」「小布施丸茄子」等，以小布施嚟命名嘅名產美食。其餘仲有蕎麥麵、蘋果、提子等水果都非常出名。其中小布施栗更加係喺約600年前就開始栽培，都好有歷史。小布施栗用嚟製作各式甜品以及栗子飯（おこわ）等，喺小布施站附近嘅餐廳都可以食到呢啲名產美食。

小布施町嘅住宿設施非常少，而且規模細。全部酒店、旅館等都聚集喺小布施車站東面，方便出發去小布施各地觀光。另外，離車站遠少少嘅地方有一間叫做「OBUSE溫泉（おぶせ温泉）」，小布施唯一可以浸溫泉嘅溫泉旅館。

從東京、名古屋、大阪等地方搭新幹線或特急列車都可以去到長野站。再從長野站搭長野電鐵約34分鐘即可以到達「小布施站」。