歧阜縣・奧飛驒之旅，3間酒店旅館推介！

去歧阜縣奧飛驒旅行，絕對要入住奧飛驒溫泉鄉。

喺奧飛驒美麗大自然環繞之下，充滿日本風味嘅旅館，喺呢度可以度過一段放鬆嘅悠閒時光，好好享受日本嘅旅行。

奧飛驒燒岳花園酒店 (Okuhida Garden Hotel Yakedake)

「奧飛驒燒岳花園酒店」位於奧飛驒溫泉鄉嘅新平湯溫泉。酒店內擁有9處溫泉，每種皆是100%源泉掛流溫泉，其中2處為露天溫泉。嚟到呢度仲可以品嘗到精心講究嘅鄉土料理添。

一共9種溫泉，富含維他命、礦物質，稱為「美人之湯」。另外仲可以浸足浴、桑拿、按摩等服務。

館內將老舊火車車廂回收再利用，改裝成「卡拉OK列車」，喺火車車廂中高歌一曲都幾特別難得，仲格外有情調添。

食飯嘅餐廳則設置咗日本傳統嘅「炕爐（囲炉裏、いろり）」，不禁令人想喺日本風格嘅環境下好好品嘗當季新鮮嘅鄉土料理。

「穗高飯店」鄰近新穗高空中纜車，坐享北阿爾卑斯山嘅美景，以及庭園造景嘅露天溫泉都充滿魅力。

精心提供嘅料理，採用當地食材，如飛驒牛、溪谷魚類，菜色豪華，色香味俱全，令奧飛驒旅行變得更奢侈豪華。

想喺房間好好享受私人時光，浸個靚溫泉好好地療癒因旅遊疲勞嘅身心，可以揀露台附設露天溫泉嘅特別房型。而且，仲提供附送鄰近新穗高空中纜車車票嘅入住優惠，令奧飛驒嘅觀光變得更加方便好玩！

旅館「奧飛驒藥師之湯本陣」就位於新平湯溫泉。

呢間係一間創業有50年之久嘅旅館，在此可以眺望四季更迭嘅美景，品嘗飛驒牛等當地食材烹調嘅料理。

玄關係數百年前建造嘅村長家移建而來，擁有相當悠久嘅歷史，係充滿日本風味嘅建築物。而同其形成對比，館內吊掛嘅巨大水晶燈，特顯歐陸風同和風嘅融合，更讓人感受到懷舊日本嘅風情。

館內展示咗好多古董同水墨畫，簡直就好似一間小小美術館，既優雅又美麗。