日本傳統風情洋溢嘅街道，歧阜縣飛驒古川嘅酒店推薦

歧阜縣飛驒古川嘅街道充滿日本古代風情，相當懷舊，保留咗好多古時嘅文化。電影「你的名字。」以此處為模型設計咗電影場景而聞名。

呢次就為大家介紹嚟飛驒古川旅遊時，可以選擇嘅酒店設施。

季古里酒店 (Hotel Kikori)

置身季古里酒店就好似住喺飛驒嘅古老民家內，悠閒自在，日式風情洋溢。酒店所提供嘅懷石料理使用咗當地食材，味道精心烹調講究。另外，館內亦有天然溫泉，讓人可以享受一個悠閒自在嘅時光。

只要入住季古里酒店，就可以免費去酒店旁嘅溫泉設施「ぬく森の湯すぱ〜ふる」，去浸個露天溫泉。

住宿期間，可以欣賞飛驒古川嘅懷舊街景、體驗祭典等一些地方風土活動，仲可以去森林散步，從季古里酒店嘅停車場出發，去行「朝露之森散步路線」一邊呼吸早晨清新空氣，一邊感受飛驒嘅自然風光。

「八ツ三館」呢間日式旅館喺飛驒古川擁有160年以上嘅歷史。其2樓木造建築嘅一部分已登錄為有形文化財。喺館內散步，處處皆可感受日本歷史及文化。

提供嘅房型有3種，除咗格局設計相異，面對嘅景色亦有所不同，大家可以選擇自己喜愛嘅房間入住。

4位廚師烹調嘅創意料理皆出自「八ツ三農園」自家栽培嘅蔬菜，以及古川當地飼養嘅優質飛驒牛。除咗享受附近觀光之外，入住呢度好好地放鬆一下都唔錯呀！