到岐阜旅行就住呢度！岐阜嘅推薦旅館

講到岐阜縣嘅觀光景點，例如有登錄為世界遺產嘅白川郷・五箇山嘅合掌造建築聚落、可以欣賞到美麗嘅北阿爾卑斯山脈嘅新穗高高空纜車、岐阜城、長良川嘅鵜飼等等。各式各樣充滿魅力嘅觀光名勝。

今次小編就要同大家介紹到岐阜旅遊時，推薦嘅幾間酒店旅館。

岐阜長良川都酒店（Miyako Hotel in Gifu Nagaragawa）

岐阜長良川都酒店嘅單人房面積有24㎡，喺日本嘅酒店當中算係大空間，係呢間酒店嘅魅力之一。即使係單人房嘅床鋪都係小型雙人床房（Semi-Double）嘅尺寸，屬擁有較大嘅單人床。

喺「River View Twin（河景雙床房）」可以欣賞到長良川同金華山嘅美麗風景，最多可以容納3個人，相當適合同朋友仔一齊出遊嗰陣住。此外，呢度有各式各樣嘅客房提供選擇。如果想體驗日式風格，和室都係唔錯嘅選擇。

館內有西式餐廳、中式餐廳、日本料理、鐵板燒餐廳、Café及位於旅館最高樓層嘅酒吧等用餐設施。喺「鐵板燒HIDA」餐廳，大廚更加會喺食客面前嘅鐵板上現燒飛驒牛，提供優質頂級嘅用餐體驗。

獲選為「日本溫泉百選」嘅長良川溫泉，喺岐阜格蘭酒店可以享受浸溫泉嘅樂趣。大浴場入面有藥草池、白湯池（按摩池）、冷水池、桑拿浴等等。對於想好好放鬆休憩嘅女性朋友，仲非常推薦呢度嘅SPA美容按摩。

喺旅館附近，有可以一邊散步一邊欣賞日本古老建築物街景嘅河原町，以及同織田信長有淵源嘅岐阜城，非常推薦嚟呢度觀光散步。旅館嘅客房有分和室同洋室，仲有可以從房間一邊眺望金華山、一邊浸浴嘅「特別和室」添吖！

館內有日式、西式、中式三間餐廳，提供使用岐阜當季嘅山珍海味等豐富多樣嘅料理。不妨嚟呢度享受頂級嘅旅館住宿體驗啦！