可以眺望松島灣絕景嘅「觀瀾亭」

觀瀾亭係一個可以品味抹茶同日式甜品嘅地方，同時可以睇到日本三景之一嘅「松島灣」。呢間係一座被指定為宮城縣有形文化財嘅木造建築。

關於觀瀾亭

觀瀾亭最初係豐臣秀吉喺伏見桃山城（而家嘅京都）嘅一間茶室，之後賜俾第一代嘅仙台藩主－伊達政宗。後來二代藩主忠宗原封不動將佢由江戶遷移到松島，將其作為納涼賞月用。

由於觀瀾亭位於松島嘅月見崎頂端，而獲得別稱「月見御殿」。第五代藩主―伊達吉村將呢座茶室命名為可以觀賞海水波瀾嘅「觀瀾亭」。

於觀瀾亭可以一邊品味抹茶同日式甜品，一邊欣賞松島灣美景。喺中秋滿月嘅時候，會舉行古典音樂會賞月活動。

喺觀瀾亭嘅「御座之間」房間內，可以睇到被指定為國家重要文化財產嘅「障壁畫」。「床之間」（凹間、壁龕）以及障壁畫，都以華麗嘅色彩描繪並裝飾。

松島博物館位於觀瀾亭後方。展出伊達家嘅家傳寶物、生活用品，仲有1:5000製作嘅松島立體模型。參觀松島博物館需購票。

松島博物館目前正在進行整修，暫時唔對外開放參觀。如果想前往參觀，請先check官網確認最新消息。

觀瀾亭嘅開放時間為4月至10月 08:30-17:00、11月至3月 08:30-16:30。無休館日。門票成人200円。

最近嘅車站係松島海岸站。從仙台站乘搭JR仙石線到松島海岸站約需40分鐘。再從松島海岸站步行5分鐘即可到達觀瀾亭。