松島以其豐富又新鮮嘅海產聞名，有多間供應海鮮料理嘅餐廳。今次小編就要為大家介紹其中兩間可以品嚐到新鮮海鮮嘅餐廳同幾間Café ，等大家喺用餐後可以享用松島甜品。
任食燒蠔：松島觀光協會 蠔小屋
只有冬季先至有，由松島旅遊協會經營嘅「蠔小屋」，可以享用燒蠔食到飽。店員將成堆蠔擺放喺檯中央嘅鐵板上，豪爽地用鏟攪拌將蠔大燒特燒。店員仲會為你小心翼翼地打開燒蠔嘅蠔，大家淨係需要負責食就得！
營業時間為10月底到3月頭約4個半月左右。成人價格為2,200円起，用餐時間為40至50分鐘，依套餐內容而異。 （截至2019年3月）
另外需注意，店內禁止攜帶飲品及外食進入。就咁樣食蠔就已經非常美味。店內有販售飲品同檸檬，如果有需要可以詢問。
餐廳資訊
- 名稱：松島觀光協會 蠔小屋
- 地址：松島町松島字東濱12-1
- 交通方式：JR松島站步行約15分鐘
- Wi-Fi：無提供Wi-Fi
- 各國語言對應：簡單嘅英文
- 訂位：僅限電話預約（日文）
- 可否使用信用卡：唔接受信用卡，只收現金
海鮮美食嘅寶庫：松島魚市場
松島魚市場有來自松島同日本超過1500種新鮮海鮮。可以喺呢度購買當地商品或乾貨，作為手信或紀念品都好適合。另外，亦可以自行揀新鮮食材，請店家現場為你製作料理。
壽司・海鮮丼
有豐富嘅海鮮料理，例如壽司、海鮮丼、三文魚手卷壽司、 三文魚籽飯、海膽丼等等。特別推薦「海鮮丼」，一道可以一次過品嚐到多種海鮮嘅豪華料理。
燒烤
宮城名物有牛舌丼、はらこ飯(三文魚親子丼)、蠔料理等。人氣第一名嘅係「松島蠔漢堡」，將松島蠔製成嘅奶油可樂餅，夾喺使用宮城米做成嘅米粉麵包中。可樂餅、醬料同漢堡麵包嘅配搭非常出色。
拉麵
可以品嚐加入大量海鮮食材嘅拉麵、中華涼麵、擔擔麵等。人氣特別高嘅係「魚翅拉麵」。呢款拉麵使用氣仙沼嘅魚翅，清爽嘅湯頭為特色。
相關資訊
- 名稱：松島魚市場
- 地址：宮城縣宮城郡松島町松島字普賢堂4-10
- 交通方式：從JR松島海岸站步行約10分鐘
- Wi-Fi：提供免費Wi-Fi
- 各國語言對應：依工作人員而異，可以用簡單嘅英文溝通
- 可否使用信用卡：唔接受信用卡，只收現金
松島嘅甜點
如果去松島旅行嘅時候想食甜食，特別推薦使用宮城名物「毛豆泥」製作而成嘅甜品。於「洗心庵」、「觀瀾亭」等Café，可以食到「毛豆餅（ずんだ餅）」。喺「三全 松島寺町小路店」、「松美庵Café」可以飲到好味嘅「毛豆奶昔（ずんだシェイク）」，「毛豆芭菲（ずんだパフェ）」－濃郁嘅毛豆泥雪糕配上毛豆泥麻糬簡直係一流！
另外仲有主打蜂蜜蛋糕嘅「松華堂菓子店」，雪糕名店「松島 雪竹屋」、「伊達Café」都係人氣店鋪。
Comments