阿蘇神社歷史同特色徹底剖析

位於熊本縣阿蘇市嘅阿蘇神社，係日本500幾個阿蘇神社嘅總本社。位於阿蘇山北麓山腳一帶，自古以來被視為一個保護阿蘇地區嘅精神支柱。前往阿蘇神社之前，本文將為大家介紹阿蘇神社嘅歷史、特色同交通資訊等。

關於阿蘇神社

阿蘇神社係阿蘇觀光必去景點。神社境內嘅樓門等六座建築物，被指定為日本國家重要文化財。阿蘇神社大規模、壯觀嘅神社群令人驚嘆不已。通常進入神社嘅參道同神社保持垂直水平，但阿蘇神社嘅參道為日本罕見、係同神社平行嘅「橫參道」。參道兩邊有多間紀念品商店同飲食店，進入神社參拜之前嘅呢段路程都非常有趣。

阿蘇神社興建於公元前282年，供奉嘅主神以阿蘇嘅開拓史祖－健磐龍命為首嘅12尊神。從古至今，阿蘇神社都由阿蘇氏家族代代相傳擔任神社管理者『大宮司』，阿蘇氏家族喺戰國肥後國（現今嘅熊本縣）時期係一個勢力強大嘅家族。因此，日本全國約有500間阿蘇神社分社。

神社境有一之神殿、二之神殿、三之神殿、樓門、神幸門、還御門共6座日本指定國家重要文化財。其中，位於橫參道中央嘅樓門高約18米，係九州規模最大嘅二重門。

阿蘇神社嘅樓門與茨城縣嘅鹿島神宮、福岡縣嘅筥崎宮並列為日本三大樓門，但因2016年熊本地震而完全倒塌，目前正在進行修復工作。呢六座建築嘅每一座都係以江戶時代晚期建築技術之一嘅「總檜造」，有好多雲圖紋嘅雕刻。

阿蘇神社嘅祭典活動同水稻種植有密切關係，包括農耕開始時嘅「田作祭」、水稻種植期間嘅「御田祭」，以及遏制危害水稻種植嘅「風祭」等。一年之中，舉行咗各式各樣慶祝豐收嘅祭典。

2016年嘅熊本地震受重創嘅阿蘇神社，唔單止樓門同拜殿倒塌，三座神殿亦遭嚴重毀損。所有珍貴嘅文化財產都正在進行修復工作。可以Click以下官方網站Check下修復進度（僅日語）：

從JR豐肥本線「宮地」站步行約15分鐘