大自然之城：熊本縣阿蘇

阿蘇係九州地方一個擁有豐富大自然嘅旅遊勝地。有世界最大嘅破火山口，雄偉浩大，神秘而且美麗動人。此外，阿蘇大自然「五感」體驗活動亦非常受歡迎。

關於阿蘇

「阿蘇」係以熊本縣東北部嘅阿蘇市為中心嘅地區之統稱。範圍好廣，通常分為北阿蘇、阿蘇中央同南阿蘇。阿蘇地區有好多自然景觀，包括火山、鄉村、草原、泉源等。

另一個特點係，豐富嘅地下水被火山嘅熱源加溫後，形成好多溫泉湧泉處。仲可以品味使用一年四季涼爽多雨嘅氣候中孕育嘅食材，所製成嘅當地料理。

阿蘇觀光最大嘅魅力就係阿蘇嘅大自然環境。有好多風景名勝，例如，阿蘇谷同米塚等田園風景、阿蘇五岳及九重等山岳之美。另外，熱氣球、滑翔傘同徒步健行等活動都非常有趣，可以近距離感受大自然。仲可以參觀阿蘇嘅歷史古蹟，例如被列為重要文化古蹟嘅神社等。

阿蘇大約有260間餐廳。阿蘇山周邊嘅店鋪特別多。喺阿蘇嘅餐廳可以品嚐到孕育於阿蘇大自然恩惠嘅牛肉同蔬菜製成嘅阿蘇美食。例如，使用阿蘇牛嘅牛排同丼飯、熊本傳統料理「團子味噌湯」（だご汁）、高菜飯、古民家圍爐裏料理「高森田樂」等。

阿蘇有200多間住宿設施，位於阿蘇山周邊同北阿蘇。酒店、日式旅館、民宿以及公寓酒店等住宿設施齊全，其中溫泉旅館數量眾多。因為阿蘇地區係熊本縣最好嘅溫泉勝地，熊本縣大約一半嘅温泉泉源都位於呢個區域。

通常會經由熊本縣前往阿蘇。從各地乘搭飛機或新幹線，前往阿蘇熊本機場或JR熊本站。從機場乘坐高速巴士直達阿蘇站。從JR熊本站乘搭豊肥本線前往JR肥後大津站，再轉乘巴士，約1小時到達阿蘇站。順便一提，於阿蘇觀光嘅話，使用阿蘇市內路線巴士都非常方便。