宮城縣松島必去嘅景點「瑞嚴寺」，係戰國大名仙台藩主「伊達政宗」，以伊達家嘅菩提寺（家族墓地）重建而成嘅寺廟。展現出伊達政宗竭力效仿桃山式建筑嘅精髓。本文將為你介紹「瑞嚴寺」嘅歷史及參觀重點。
關於瑞嚴寺
瑞嚴寺嘅前身係平安時代天台宗嘅慈覺大師，於828年創建嘅延福寺。後來喺戰國時期曾一度荒廢沒落，慶長14年（1609年）由伊達政宗耗時5年歲月重建而成。伊達政宗投入咗相當多心血，據說佢從京都等地搵咗大約130名工匠，並且到紀州（現在嘅和歌山縣）熊野山上尋找檜木、杉木同櫸木等木材。明治9年（1876年）甚至作為天皇外出時嘅臨時行宮。
現存嘅本堂、御成玄關、庫裡、回廊為日本國寶；御成門、中門、障壁畫為國家指定重要文化財。
關於伊達政宗
伊達政宗係安土桃山・江戶時代初期嘅戰國武將。小時候因罹患天花導致右眼失明，儘管有障礙，喺「關原之戰」中，支持德川家康嘅伊達政宗與上杉景勝作戰，並且獲得德川家康首肯，喺戰後給予伊達政宗62萬石之領地。
瑞嚴寺參觀重點
瑞嚴寺嘅參觀亮點之一係「本堂」，包含10間房同武家邸宅嘅書院。尤其是舉行法會用嘅「孔雀之間」裡嘅障壁畫為必看之處。和室嘅障壁畫由右而左，繪製咗「孔雀與松」、「竹梅」、「櫻」、「菊」等主題，描繪孔雀與冬、春、秋嘅變化。表現出桃山美術獨有嘅華麗障壁畫特色。
第二個參觀亮點係作為寺廟廚房嘅「庫裡」。採用「切妻造」筒瓦屋面、「入母屋造」歇山式嘅屋頂上方有排煙嘅窗口；屋頂千鳥破風嘅曲線伸向天空，喺佢下面係一個華麗嘅蔓藤花紋雕刻。「庫裡」本來只係一個實用取向嘅廚房，但係政宗將濃厚嘅美感意識注入建築中。
如何前往瑞嚴寺
從JR「仙台」車站搭JR仙石線約41分鐘，於「松島海岸」站落車後，步行約5分鐘。或者從JR「仙台」站搭JR東北本線約24分鐘，於「松島」站落車後，步行約20分鐘。
- 名稱：瑞嚴寺（國寶）
- 地址：〒981-0213 宮城縣宮城郡松島町松島字町内91
- 門票：成人700円、中・小學生400円
- 開放時間: 1月&12月 08:00～15:30／2月&11月 08:00時～16:00／3月&10月 08:00～16:30／4月～9月08:00～17:00
- ※最後入場為關門時間30分鐘前為止。
- 休息日：全年無休
照片提供：瑞嚴寺
Comments