東急HANDS一直為大家提供種類繁多嘅商品，由日常用文具，如原子筆、記事簿、貼紙等，到蔬果削皮器、平底鑊等廚具都有；仲有出售護膚品、化妝品等等添。而且賣嘅好多都係日本製嘅商品，令好多海外遊客去到日本都好鍾意去東急HANDS買手信！今次就為大家介紹東急HANDS澀谷店所推介嘅創意廚房用具啦。
夾麵夾豆都無難度！「MARNA 矽膠煮餸筷子 黃色 K690Y」 734円(含稅)
長30cm嘅煮餸用筷子，賣點係防滑兼易夾！無論係滑捋捋又跣手嘅拉麵、意粉，定係細細粒難夾嘅豆類，用呢雙筷子都可以輕易夾到。用料係耐熱度高嘅矽膠製成，就算放喺煲或鑊上面煮得耐嘢食，都唔會變形或溶化。仲可以放入洗碗碟機添，真係又便利又好用呀！
簡單切成格仔形薄片！「 NONOJI 窩夫形蔬果刨 Ｗ1ＷＰ−01ＰＧ」1080円(含稅)
呢個窩夫形刨唔係用嚟刨窩夫嘅，而係可以將蔬果刨成窩夫形狀嘅刨。用刀點都切唔出「格仔網」㗎嘛，但只要用呢個刨來回刨兩次就可以簡單地做到啦。把手部份仲好貼心咁設計咗伸手指嘅空位，方便使用，而喺刀片附近嘅則係波浪形設計用嚟調節力度輕重。
用呢個刨就可以將蔬果呀芝士等食物切成格仔形薄片，擺落沙律做配菜裝飾，就已經可以影相呃Like啦！連揀飲擇食嘅小朋友見到咁得意都可能會胃口大增添！而刀刨本身都附增一個可以簡單拆卸嘅保護蓋。
簡單易切又簿又幼，蓬鬆感十足嘅生菜絲！「NONOJI 生菜絲刨 淺錄色 CBP-02GY」972円(含稅)
講到日本料理就會諗到炸吉烈豬排、炸雞、可樂餅等等炸物，而通常伴碟都會有生菜絲墊底上菜。如果用菜刀切生菜絲嘅話，又粗幼不均，又花時間，但用呢個生菜絲刨，只要輕輕刮過生菜面，就已經可以簡單切出又簿又幼，好有蓬鬆感嘅生菜絲啦！
喺把手中間位有手指環設計，只要用食指輕輕一拉，唔使用好多力就可以切出幼薄一致嘅生菜絲，簡直可以媲美大師級廚師呀！而刀片係使用咗經特別設計嘅「高精密剧齒刃」，切生菜時特別就手。除咗切生菜絲之外，仲可以將青瓜、蘿蔔切片添。
顏色除咗有青綠色外，仲有黃色同粉紅色。由於刀片鋒利，為免切到手，建議大家戴咗手套先用比較好呀。
■店名
東急HANDS 澀谷店
■地址
〒150-0042 東京都澀谷區宇田川町12-18
■營業時間
10:00 ～ 21:00
■休息日
不定期
■交通方法
JR澀谷站八公出口步行8分鐘
Comments