驚悚 & 奇異系列: 日本童話故事「老鼠與飯糰」當中隱藏嘅詭異奧秘

唔單止日本，全世界嘅童話都可能內含恐怖故事嘅情節。今次就要分享日本細路仔都鐘意聽嘅童話故事「老鼠與飯糰」，唔好睇標題同故事內容好似好得意咁，聽咗當中嘅隱喻簡直會毛骨悚然！快啲嚟感受下當中嘅反差！

「老鼠與飯糰」係一個點樣嘅故事呢？

從前，有一個善心老實嘅爺爺上山砍木。

到咗中午，打開婆婆包俾佢嘅飯糰打算享用時，唔小心將飯糰整跌，成個就咁淥咗落去樹洞入面。喺呢個時候，佢聽到樹洞入面傳出可愛甜美嘅歌聲，所以又特登放多個飯糰入去。而沉醉於悠揚悅耳歌聲中嘅爺爺，仲一個唔小心成個人跌埋落去個樹洞度。

洞穴入面其實係老鼠之家，爺爺受到老鼠群嘅熱烈歡迎同款待，甚至仲送小判(即日本古代流通貨幣)俾佢當紀念品帶返去。

而另一個性格貪婪嘅伯伯知道咗呢件咁有著數嘅事之後，就照版煮碗,，帶咗好多飯糰上山。發現洞穴嘅伯伯將大量飯糰拋落去樹洞入面。

踏入老鼠之家嘅爺爺，為咗搶奪所有金銀財寶，所以扮貓叫，諗住想住部老鼠趕走。但係計劃失敗，貪婪嘅伯伯被老鼠狂咬，最後為咗保命只好逃走。

呢篇簡簡單單嘅故事，就係教訓我哋做人唔可以貪心嘅道理。

喺舊時，日本就將老鼠視為「住喺樹根入面」嘅「樹根國居民」。而「樹根國」係死者住喺「黄泉」嘅入口。而呢個故仔入面嘅兩位爺爺所跌入嘅樹洞就係通往死後世界嘅入口。

喺呢個入口，心地善良嘅爺爺從老鼠群得到禮物，而內心醜陋嘅爺爺就遭受老鼠攻勢......亦有可能唔止教訓咁簡單，直程可以將佢送去死後世界㖭啊！

飯糰所跌入嘅洞穴，除咗係人間同死後世界嘅交界，同時因為喺腳底下，亦代表自己內心中某一角落。就算外面佈滿結界，心底深處嘅黑暗都會不斷擴散。暗示「貪婪」等邪惡想法，一直都潛伏喺我哋心中。