芋餅係北海道嘅鄉土料理。Q彈口感而且味道樸實，可以話係非常美味。只要準備薯仔同片栗粉(日式太白粉)就可以整到芋餅出嚟。適合拿嚟當作零食，大量製作放喺雪櫃保存都無問題。
材料(12樣)
- 薯仔 3粒（約300克）
- 片栗粉(日式太白粉) 4大匙
- 水 3大匙
- 鹽 1小匙
- 紫菜 預計要食嘅量
- 沾醬
- 醬油 2大匙
- 味醂 2大匙
- 砂糖 2大匙
- 水 2大匙
做法
1. 將削好皮嘅薯仔放入塑膠袋入面，用微波爐叮大概6分鐘（500w），加熱至竹串可以順利穿過為止。
2. 隔住塑膠袋將入面嘅薯仔壓碎。使用桿麵棍或者係保鮮膜芯等滾動就可以輕鬆壓碎。跟住喺塑膠袋入面加少少鹽，片栗粉，水後繼續滾動，滾到耳垂一樣柔軟即可。
3. 將塑膠袋入面嘅薯仔捻成棒狀後，割開塑膠袋分成12等分。
切成小份嘅芋餅亦可以放入雪櫃。將每個芋餅用保鮮膜分別包裝放入保鮮袋冷凍即可。要食嘅時候唔洗解凍，直接用平底鍋或者係微波爐加熱後，放入湯入面一齊享用都相當美味。
4. 加熱平底鍋，放入奶油等融化後放入芋餅，用中火煎到略帶顏色，翻面淋上醬汁，蓋上鍋蓋用小火煎約4到5分鐘。
5. 打開鍋蓋將芋餅再次翻面，淋上醬汁就大功告成。包上紫菜就可以開動享用啦。
★一般嘅透明塑膠袋唔耐熱，加熱就會融化，請一定要使用聚乙烯製嘅半透明PE塑膠袋
Comments