德島，鳥取綠意盎然，充滿珍奇嘅山溪峽谷，絕對可以俾你充分享受大自然嘅美好。打算嚟兵庫、鳥取參加比賽嘅人，今次就推薦大家可以飽覽德島、鳥取大自然景色嘅觀光景點。
「World Masters Games2021關西」係？
「World Masters Games 2021關西」係一場只要年滿三十歲以上嘅運動愛好者就可以參加嘅國際綜合體育大型比賽。
值得紀念嘅第10屆，決定喺日本關西舉辦，而且仲係亞洲首次舉辦。嚟參加呢場大賽，欣賞日本各地嘅魅力所在，聽落去都唔錯吖？
喺德島、鳥取會場舉辦嘅比賽項目
德島
- 保齡球
- 高爾夫球
- 舉重
- 輕艇（皮划艇激流迴旋）
- 鐵人三項（鐵人三項/水陸鐵人兩項）
鳥取
- 射箭（射箭靶／室內射箭）
- 柔道
- 單車（徑賽／越野賽）
- 地面高爾夫
有無想睇嘅運動比賽項目呢？除咗可以實際參加比賽之外，單純觀看比賽都OK！
關於比賽詳情，請click入官網睇睇♪ ☞https://wmg2021.jp/en/
證明膽量嘅德島・祖谷溪尿尿小童？絕景中驚心動魄之體驗
德島・祖谷渓嘅尿尿小童嘅由來
於1986年，德島縣出身嘅雕刻家河崎良行雕刻咗個尿尿小童。尿尿小童建築喺七曲（ななまがり），呢條街道最險峻嘅地方。傳聞喺好耐好耐以前，細路仔，建築工人，遊客都會測試自己嘅膽量，喺岩石一帶附近小解。
既然已經影到尿尿小童嘅相啦，正式比賽嗰陣就唔緊張啦？
尿尿小童建築於200m高嘅岩石上面、望落去簡直雙腿發軟。望多兩眼尿尿小童，亦或係影相留念，訓練膽量，化解緊張心情，到咗正式比賽就唔驚啦！
飽覽鳥取沙丘美景嘅滑翔傘體驗，翱翔於天際
滑翔傘體驗課程
滑翔傘體驗活動分別有「①半日體驗課程」「②輕鬆入門課程」「③1日體驗課程」「④雙人體驗課程」「⑤全年課程」以上5種。推薦遊客頭①～④種，可以喺短期內進行體驗活動。「唔會長期濟留，但又想體驗一下」抱住呢個諗法嘅你一定要嚟試試！
飽覽鳥取砂丘以及大海景色嘅滑翔傘體驗
透過參加滑翔傘體驗，從上空俯瞰飽覽絕景。平視嘅話，靠肉眼只睇到一部分嘅沙漠以及大海，但從上空俯瞰嘅話絕美景色盡收眼前。同遼闊嘅大自然化為一體，就連身心靈都得以淨化。
只要跨越翱翔天空嘅緊張心情，到咗正式比賽就無有怕！
滑翔傘體驗可以話係喺天空進行嘅極限運動中，難易度最低嘅一種。但係由於雙腳離地，處於高空狀態下，令人本能上感到害怕。只要成功抑制呢份本能上嘅害怕，喺參加正式比賽嗰陣，所承受嘅緊張感以及重大壓力話唔定就可以成功化為自信。
今次文章中所介紹嘅觀光景點，睇呢度！
大家點睇今次介紹嘅景點呢？如果對令人驚心動魄嘅絕景產生興趣，歡迎留言話俾我哋知！更多詳細資訊同交通方式，請參考以下網頁：
Comments