![少女漫畫館 TAKI 1735](https://content.fun-japan.jp/renewal-prod/cms/articles/content/271bfa4c7e9441bcb912ddfef8b13847729647d4.jpg)
戀愛。
呢個混合甜酸味嘅詞彙,雖然到咗呢個年齡已經同佢有咗距離感,但有時都會諗,
就算去到幾多歲都好,都會想擁有心動(キュン)嘅感覺。無錯,想擁有心動不已嘅感覺!!!
即使係大人都想擁有心動不已嘅感覺!
為咗搵返就快被遺忘嘅心動感覺,我去咗呢度。
少女漫畫館 TAKI 1735
![少女漫畫館 TAKI 1735](https://content.fun-japan.jp/renewal-prod/cms/articles/content/6cca936d072e786c1dab61f9d62cae153654b507.jpg)
店內竟然有1萬本少女漫畫!
![少女漫畫館 TAKI 1735](https://content.fun-japan.jp/renewal-prod/cms/articles/content/f6f7e0082608cdd2f29f4b157ed60c3746b52513.jpg)
哇~~!!本本都好懷念啊!
![少女漫畫館 TAKI 1735](https://content.fun-japan.jp/renewal-prod/cms/articles/content/fbf76abc9bccb9cff6195d05908ff9b7173625fa.jpg)
到底應該重溫自己鐘意過嘅漫畫,
定係閱讀鐘意嘅作者嘅新作呢。
啊,呢本咪就係最近真人版電視劇嘅原作?好有興趣添!
![少女漫畫館 TAKI 1735](https://content.fun-japan.jp/renewal-prod/cms/articles/content/78e4aeee499fbd1d4719338bdbf8576ccbd56676.jpg)
連拍拉圖式戀愛係啲乜都唔知嘅年少時代
『小小戀愛物語(小さな恋のものがたり)』
![少女漫畫館 TAKI 1735](https://content.fun-japan.jp/renewal-prod/cms/articles/content/0690cb2e1553a79634f77a85cb2b981900512109.jpg)
呢個係從1962年起連載嘅4格漫畫。
小編嘅屋企管得嚴,從細個開始就被禁止睇漫畫。
只有呢套漫畫排列喺媽媽嘅書櫃,係唯一一本可以堂堂正正咁閱讀嘅漫畫!
跟住向我最鐘意嘅少女漫畫埋手。
就係大家都知道嘅『NANA』作者,矢澤愛嘅『我不是天使(天使なんかじゃない)』。
![少女漫畫館 TAKI 1735](https://content.fun-japan.jp/renewal-prod/cms/articles/content/cd2cee219b4593a83285fe30f9fc67df61bb2f23.jpg)
王道學園少女漫,角色人物描繪鮮明細膩,魅力十足。
特別係女主角小翠,性格開朗活潑,令人憧憬
充滿戀愛嘅焦慮感,富有青春氣息,描繪咗糾葛嘅人際關係。
對於當時仲係一個學生嘅我,非常享受代入故事當中。
跟住落嚟嘅係,對我影響深遠,至今我嘅心仲離唔開佢嘅作品,就係
小花美穗嘅『玩偶遊戲(こどものおもちゃ)』
![少女漫畫館 TAKI 1735](https://content.fun-japan.jp/renewal-prod/cms/articles/content/50db52b2b399a72a49cef7acea0f42f84bc60cfb.jpg)
呢個係一個少女童星紗男同外表冷酷嘅羽山之間嘅校園愛情故事。
紗南純真天然,開朗活潑嘅性格令我印象深刻。
仲有當紗南失落嗰陣,養母同佢講嘅「要在逆境中快樂的生活」呢番話。
另外,唔容易相信人,心態扭曲嘅羽山黑化嘅情節等等,
至今都係我嘅心頭好!
![少女漫畫館 TAKI 1735](https://content.fun-japan.jp/renewal-prod/cms/articles/content/d650cbc4f65c1499b950dd40256be6a21e983991.jpg)
心跳加速120%!!!
並唔係普普通通嘅漫畫café,而係專屬於自己嘅博物館
少女漫畫館 TAKI 1735係由5年前移居東京嘅志村Sakura (志村さくら)所開設嘅。
![少女漫畫館 TAKI 1735](https://content.fun-japan.jp/renewal-prod/cms/articles/content/695eb2010866b5200488a1a87c373d1d85af3dba.jpg)
最得意嘅係,呢個地方並唔係普普通通嘅漫畫café,
而係一間博物館。
呢間小小博物館開設嘅契機係於1997年,志村Sakura喺東京秋留野市同營運少女漫畫館嘅夫婦相遇而開始。
志村Sakura同對夫婦二人好投契,有相同價值觀,所以承繼咗經營竅門同開始接受少女漫畫嘅捐贈,並於3年前開張大吉。
客人所捐贈嘅漫畫有所增加,所以店鋪都慢慢發揚光大。
為咗吸引更多人到訪,仲設置咗café,可以喺度慢慢享用午餐或者係嘆返杯下午茶,談天說地,度過一個悠閒嘅下午時光。
![少女漫畫館 TAKI 1735](https://content.fun-japan.jp/renewal-prod/cms/articles/content/4d2e43a499a7503ffc29b68e74d5197d9ef7f522.jpg)
~1735蛋包飯~圖片來自Instagram
免費入場,歡迎大家來臨。
1樓擺設咗各大出版社旗下嘅少女漫畫,例如有RIBON(集英社出版)NAKAYOSHI(講談社出版),MAGARET(集英社出版)等等。而較為成人傾向嘅作品擺放於2樓。
2樓限中學生以上才可入場。
![少女漫畫館 TAKI 1735](https://content.fun-japan.jp/renewal-prod/cms/articles/content/c166abf33c15021667bb31935b731b15a9b7657a.jpg)
據聞而家一到咗黃昏傍晚,小學生都會嚟呢度,做好功課,睇完漫畫先返屋企。
![少女漫畫館 TAKI 1735](https://content.fun-japan.jp/renewal-prod/cms/articles/content/f68f4e155ef46f029af6bc2a08fc34134aabb1a6.jpg)
小學高年級嘅小妹妹不時向啲行上去2樓嘅姐姐投放羨慕嘅眼神,
”佢哋就好啦~”。
呢個仲唔係所謂嘅通往大人嘅階級?!
推薦俾連男性都適合睇嘅少女漫畫係?!
店鋪名稱”1735”,睇落意味深遠嘅數字。
![少女漫畫館 TAKI 1735](https://content.fun-japan.jp/renewal-prod/cms/articles/content/3a09aabadb5d246a27bac56148b9378c429368ce.jpg)
其實就係呢度嘅門牌地址。
店內書棚擺滿少女漫畫,充滿少女氣息嘅氣氛,而店名較為中性嘅數字,內裡裝潢亦簡單時尚。
所以呢度即使有男性嘅出現亦毫無違和感。
―—咁適合男性閱讀嘅漫畫都有邊啲呢?
志村Sakura:「BANANAFISH、秘密、土星公寓等等都好受男性歡迎㗎!」
![少女漫畫館 TAKI 1735](https://content.fun-japan.jp/renewal-prod/cms/articles/content/19b5774e81d45fc8b86c3b635fffa37f8bd68542.jpg)
志村Sakura:「仲有呢一套我個人非常鐘意,非常推薦嘅作品。佢就係由三重縣津市出身嘅板羽皆所畫嘅Samuraikaasan (サムライカアサン)。」
![少女漫畫館 TAKI 1735](https://content.fun-japan.jp/renewal-prod/cms/articles/content/748feda7401d536c3a0fcb61170c1036114c6973.jpg)
Samuraikaasan係一個關於母親同反抗期嘅兒子之間嘅溫情故事,連男性都睇到又喊又笑。
![少女漫畫館 TAKI 1735](https://content.fun-japan.jp/renewal-prod/cms/articles/content/618dbeaf77d58ea38b65e446da6ca4ef1220cb4b.jpg)
閱讀漫畫嘅奢華時光。
少女漫畫,到底對我哋嚟講重唔重要呢?
雖然唔算係日常生活中嘅必須品,但絕對係慰藉心靈嘅甜美事物!
![少女漫畫館 TAKI 1735](https://content.fun-japan.jp/renewal-prod/cms/articles/content/47a32e4fb77f425a89a1d9f99058c4d6390bba75.jpg)
品嚐咖啡嘅同時,沉醉於不被打擾嘅午後甜美時光。
![少女漫畫館 TAKI 1735](https://content.fun-japan.jp/renewal-prod/cms/articles/content/56a71fb20e6462e733ac9cac84492dea21e0ed55.jpg)
喺呢度渡過下午時光,可以令沉睡於身體內嘅少女之心甦醒,感受返戀愛嘅純真美好,
正因為長大成人,更加體會到戀愛錯綜複雜嘅滋味…
觸摸即將被遺忘嘅心動感覺,淨化被世間磨損嘅心靈,
就連思考都變得清晰遼闊~
Photo by y_imura
少女漫畫館 TAKI 1735 (少女まんが館 TAKI 1735)
- 地址:三重縣多氣郡多氣町丹生1735
- 電話: 0598-67-4968
作者:福田Miki
Fukuda Miki。OTONAMIE三重縣觀光情報網路雜誌副代表。OTONA MASTER
擔任東京某企業公司的社長秘書,兼任辦公室中心長。學生時代便開始半工半讀進行現在的工作。2014年隨著丈夫從東京搬遷至三重。在對於離別舊生活的感傷中也懷抱起對新環境所產生的好奇心。由於是從外地而來關係,更是深深受到三重這塊土地自身魅力的俘虜。
OTONAMIE:http://otonamie.jp/
*此網站附有Google網頁翻譯功能。
Comments