![FUN! Ryugaku](https://content.fun-japan.jp/renewal-prod/cms/articles/content/e12c6fb953acf2bb9b96975eb09f93bd2fc7aa3c.jpg)
咦!呢間唔係就係慶應義塾大學?
![Is this KEIO University?](https://content.fun-japan.jp/renewal-prod/cms/articles/content/66dcd6ad38b0aa4e6cf34a89fab36a1a62225e71.jpg)
根據同事K,呢間大學喺日本非~常出名,喺好多排行榜中佔據第一。例如「擔任東京證券交易所上市公司社長人數排行第一」「研究經費1位」、「考取會計師同法律嘅國家考試合格率第1位」等等,喺日本亦都係排名好TOP嘅大學。一於就嚟睇睇呢間校園到底係點㗎啦。
好似哈利波特電影場景嘅建築物。。。
![Harry Potter's World](https://content.fun-japan.jp/renewal-prod/cms/articles/content/2b09caebf2612ea31f2630f81d125751a548ca99.jpg)
校園內高大聳立嘅銀杏樹
![Ginkgo Trees](https://content.fun-japan.jp/renewal-prod/cms/articles/content/7c60c339f232795c554d177c2f2c9c66c9555b05.jpg)
咦,係唔係啱啱落堂呢,比頭先多咗好多人。大家應該都係準備緊去下一間教室喇。
![Ginkgo Trees](https://content.fun-japan.jp/renewal-prod/cms/articles/content/68bd3ed17c9063cba95aa61a0ff278958ffb1170.jpg)
校園內亦有頗具現代感嘅建築物。完美融合喺充滿歷史感嘅建築物之間,一啲都唔違和。
隱約可以睇到學生認真讀書嘅姿態,應該係教學大樓。
![Classroom Building](https://content.fun-japan.jp/renewal-prod/cms/articles/content/63d06587ad55ea61d5c330dafc953ea9c504bcbc.jpg)
![Classroom Building](https://content.fun-japan.jp/renewal-prod/cms/articles/content/586d8e99ef08fa5ebb344df650d3dc9b274d48e2.jpg)
又係一棟古老嘅建築物。
喺1926年建立。進進出出嘅唔係凈係得學生,仲睇到好多學校員工出入。應該係大學嘅行政管理大樓。
![Old Building](https://content.fun-japan.jp/renewal-prod/cms/articles/content/624abbe1117e67c0708daf30d4abddcae3f2ea90.jpg)
![Old Building](https://content.fun-japan.jp/renewal-prod/cms/articles/content/e0590449d0831fcb0f75a79d43acaf74d60a327f.jpg)
好似有間更加古老嘅建築物!
禁止進入。
咦?係1875年福澤諭吉喺日本最初建設嘅演講廳,
被指定為日本國家重要文化財。
據聞每年舉辦幾個重要活動嗰陣先至會對外開放。
![Very Old Building](https://content.fun-japan.jp/renewal-prod/cms/articles/content/f431afaa5b33afa7404808512e29967f0a0d7606.jpg)
=====
哎呀哎呀。。。
嗰度有對令人眼前一亮嘅男女。。。
嗰棟係慶應義塾大學嘅紀念品店,
好似買緊嘢咁。
去問吓佢哋先。
FJ:你哋做緊乜吖?
BARBARA:我哋揀緊買俾屋企人同朋友嘅紀念品。
EDWARD:係吖係吖。你都一齊嚟幫手揀喇。
FJ:系列商品好豐富。鉛筆,餅乾,杯,甚至頸巾都有!
BARBARA:我好想要呢條頸巾啊。。。
![Barbara](https://content.fun-japan.jp/renewal-prod/cms/articles/content/1837dd0503e183866f7d8f125d6dbb0dd10f19dd.jpg)
BARBARA : 點呢?係唔係好可愛呢?
![Barbara](https://content.fun-japan.jp/renewal-prod/cms/articles/content/1f1cd5913e00abd85ca417c4175fbfe0a13ffb3d.jpg)
BARBARA:呢個帆布袋,銀包仔同名片套都印有慶應義塾大學嘅標誌、唔錯。。。
![Barbara](https://content.fun-japan.jp/renewal-prod/cms/articles/content/e93db790a8fceba9a4136974aab72a4f5cb727b1.jpg)
EDWARD:喂~~~
BARBARA:嗯?
EDWARD:我哋買咗帶俾屋企人同朋友嘅紀念品先啦。
BARBARA:啊、唔記得咗㖭。
五分鐘後
EDWARD:好!決定咗啦。我揀呢本筆記簿,封面設計唔錯咁。仲有呢把日本製嘅扇,媽媽佢收到一定會好開心。同埋呢個不鏽鋼樽都幾實用,唔錯!
![Edward](https://content.fun-japan.jp/renewal-prod/cms/articles/content/2eb81f88e01887a16ed3b4a1caced4e829544294.jpg)
![Edward](https://content.fun-japan.jp/renewal-prod/cms/articles/content/28ff7887325a3f0f5a851091675af50b75bdd846.jpg)
15分鐘後
FJ&EDWARD:未得吖~~~~
BARBARA:好猶疑啊。。。
30分鐘後
FJ&EDWARD:未得吖~~~~
BARBARA:得喇~~得喇~~決定好喇。都係揀呢個價格實惠,又好味嘅「山食咖喱」。我喺學校飯堂每個禮拜都會食一次,非常美味,之前就一直想俾屋企人品嚐一下!
![Barbara](https://content.fun-japan.jp/renewal-prod/cms/articles/content/b3c0af6702de10fdd08d50065b203bf5d895762c.jpg)
BARBARA:食完咖喱當然仲要飲返支「慶應水」!仲有餅乾!
![Barbara](https://content.fun-japan.jp/renewal-prod/cms/articles/content/62bf023bc7b272577f7e7f03d7feb24efe522585.jpg)
*以上所介紹嘅物品、喺日本國內都可以透過網站購買
https://keiogoods.jp/
學校介紹:
慶應義塾嘅前身係蘭學塾, 1858年福澤諭吉喺江戶所開設嘅私塾。創立至今超過150年歷史,設有小學、中學、高中、至大學及大學院,係喺日本歷史最悠久嘅綜合教育機構,所培育嘅人材輩出。喺學問方面,繼承福澤諭吉嘅目標與理念,重視實用同實證嘅「實學」,透過教育、研究、醫療等方面,對社會做出更多貢獻。
而家慶應義塾大學包含文學部、經濟學部、醫學部、理工學部在內,一共設置咗10個學部同大學院嘅14個研究科目。
可以話係富國際特色嘅一間大學。
至2017年5月為止,一共超過1,900名留學生在校就讀,亞洲區域,包含東南亞、仲有北美、歐洲、澳洲各地嚟嘅學生,係一個非常國際化嘅大學。
就算無學過日文,都有以全英文授課嘅學程,可以報名入學修課,修得學分畢業。仲有同合作嘅大學一齊聯合開辦嘅雙學位課程。而特別喺大學學部提供咗PEARL、GIGA等等,經濟學、及跨學科領域嘅各項課程。
https://www.keio.ac.jp/en/admissions/
基本情報:
- 設立:1858年
- 學生數量:33000人以上
- 校園數量:6個校園
Keio by the Numbers
(https://www.keio.ac.jp/en/about/by-the-numbers/)
備註:
(1)東京證券交易所上市公司,指公司規模龐大,分公司約達2,000間,堪稱帶動日本經濟嘅企業,香港嘅話、即係類似匯豐控股,電訊盈科等等公司。
Comments