「好想住喺迪士尼酒店啊!!但係睇到房價就嚇親」、「每次一離開東京迪士尼,都希望有隨意門可以即刻返到去酒店」。你係咪同小編一樣有過咁樣嘅心聲呢。今次FUN!JAPAN團隊就潛入咗採訪「東京迪士尼樂祥飯店 Tokyo Disney Celebration hotel®」。帶你嚟欣賞呢間「經濟型」嘅官方酒店!!!
彷彿置身南國度假勝地
![disney1](https://content.fun-japan.jp/renewal-prod/cms/articles/content/deeb9971d48c82cd10d8bfa3d5369905df907d93.jpg)
「東京迪士尼樂祥酒店 Tokyo Disney Celebration hotel®」坐落於千葉縣新浦安地區,距離東京迪士尼樂園®同東京迪士尼海洋®大概15~20分鐘車程。遊客可以乘搭行駛於飯店同兩園區之間嘅免費接駁巴士「樂祥接駁巴士」,唔洗煩惱交通問題。館內設備雖然簡單,但提供嘅服務內容唔會因為價格親民而降級!分成2棟嘅酒店建築,設計成唔同嘅主題,分別係喺2016年6月開幕,客房數352間嘅「心願館」,以及同年9月開幕,客房數350間嘅「探索館」。2棟酒店準備嘅房型符合各種需求,「探索館」更提供可以容納5人入住嘅客房。
館內裝飾融入兩園區風格 等慢慢睇 仔細尋樂趣
洋溢夢想同心願 東京迪士尼樂祥飯店®:心願館 (Wish)
![disney2](https://content.fun-japan.jp/renewal-prod/cms/articles/content/55969b860394b258cf4bfa5ad14ca4b3a6e707f9.jpg)
一行入「東京迪士尼樂祥飯店®:心願館 Tokyo Disney Celebration hotel®: Wish 」大廳,就可以睇到米妮老鼠坐喺咖啡杯入面迎客,令人諗起東京迪士尼樂園®嘅遊樂設施「愛麗絲的下午茶派對」。係唔係好想坐上去同米妮影相留念呢;另外,仲設置欣賞迪士尼電影嘅專區,小朋友喺度等,都唔會覺得無聊啦。
![disney3](https://content.fun-japan.jp/renewal-prod/cms/articles/content/a87352a24ff3e26f3e02986797abb2e4d47833ae.jpg)
行入客房,就會見到畫咗一眾迪士尼明星,開心咁玩緊園區遊樂設施嘅可愛壁畫,喺休息之餘不妨嚟數吓自己玩過其中幾多項遊樂設施,就連房間入面嘅牆紙都係精心設計。
![disney4](https://content.fun-japan.jp/renewal-prod/cms/articles/content/8e39df9299cb44631dad281f8322ee9bb3ec32bd.jpg)
嚟到中庭,係唔係覺得眼前嘅景象似乎有啲眼熟呢。有《愛麗絲夢遊仙境》嘅柴郡貓、《尋龍傳說》中嘅龍。無錯!中庭嘅設計概念就係東京迪士尼樂園®嘅夜間巡遊。
![](https://content.fun-japan.jp/renewal-prod/cms/articles/content/8a54a3f4f8343baa1bfab325efd5a74a67b4697d.jpg)
充滿冒險與發現嘅 東京迪士尼樂祥飯店®:探索館 (Discover)
![disney6](https://content.fun-japan.jp/renewal-prod/cms/articles/content/d9602a49b7448876d5779d57f3118d57da5b355c.jpg)
同心願館風格完全唔同,「東京迪士尼樂祥飯店®:探索館 Tokyo Disney Celebration hotel®: Discover」以冒險同發現為主題。準備要出發去探險嘅米奇老鼠喺大廳等候你嘅大駕光臨。
![disney7](https://content.fun-japan.jp/renewal-prod/cms/articles/content/0f3c074e7abdfabb70425da0ae4dcbbe2de9e764.jpg)
嚟到客房入面,映入眼簾嘅係畫有東京迪士尼樂園®嘅遊樂設施「叢林巡航:勇闖野生世界 Jungle Cruise: Wildlife Expeditions」同「飛濺山 Splash Mountain」嘅壁畫。令你返到入房之後,都可以再次回味難忘嘅冒險旅程。
![disney8](https://content.fun-japan.jp/renewal-prod/cms/articles/content/0d4e08512e5e8c2ff924339fdbcf603da464010b.jpg)
跟住就嚟到中庭探險啦!似乎有種嚟到《加勒比海盜:魔盜王》嘅世界,海盜船、裝住金幣同珠寶嘅寶物箱,甚至仲擺咗啤酒桶檯同凳。到咗夜晚,點咗燈嘅中庭令冒險嘅氣氛更加濃厚,一於以探險家嘅心情喺中庭散步啦!
![disney9](https://content.fun-japan.jp/renewal-prod/cms/articles/content/6130eb36e623b809bf498dbc01f62031c41bf10a.jpg)
價格親民 服務完備特典滿載
「東京迪士尼樂祥飯店®」最大嘅魅力之一,就係入住價格親民。以4人房為例,每晚1萬7600円起,每人每晚約4400円就可以入住(依日期不同,價格會有所變更)。最重要嘅係,開園前15分鐘優先入園、入園保證、購買特別連日護照等嘅官方酒店優惠,「東京迪士尼樂祥飯店®」呢度全部都有。特別方便嘅一點係,退房嗰陣只需要將房卡投入門口嘅箱入面,就完成咗退房手續啦。
![disney10](https://content.fun-japan.jp/renewal-prod/cms/articles/content/bf313ecf09e6a3a5e5e0f4e8323799d643e9c893.jpg)
兩館酒店內亦設置迪士尼小舖「Disney Fantasy」,販賣園區內商店特別出售嘅商品,亦有24小時便利店。有200個座位嘅餐廳,空間相當寬敞,喺早餐時段提供簡單嘅吃到飽自助餐。
![disney11](https://content.fun-japan.jp/renewal-prod/cms/articles/content/400718f19e02c6bbfab79e54abbae863da4a1795.jpg)
講到迪士尼酒店就會諗到印有迪士尼明星嘅物品。「東京迪士尼樂祥飯店®:心願館」提供米妮老鼠圖案嘅房卡套埋用品,而「東京迪士尼樂祥酒店®:探索館」則係米奇老鼠圖案。順便一提,房內嘅拖鞋亦印上咗米奇老鼠嘅頭吖!
![](https://content.fun-japan.jp/renewal-prod/cms/articles/content/collagejpg_2019-08-14 14:13:44.jpg)
免費接駁巴士來往酒店到園區
唔似其他迪士尼官方酒店步行即可抵達兩園區,:東京迪士尼樂祥飯店提供「樂祥接駁巴士」免費接送房客來往兩園區同酒店,酒店到東京迪士尼海洋約15分鐘,到東京迪士尼樂園則大約20分鐘。高峰時間每個鐘約8班,其他時間帶每個鐘都有2~3班。實際搭車時間因天候同交通情況有可能延遲,溫馨提醒你記得把握時間提早出門啦。
![disney13](https://content.fun-japan.jp/renewal-prod/cms/articles/content/6a0a50bb73c9acf6678a215aab790a43a9f73584.jpg)
睇到呢度,係唔係一改迪士尼酒店等於昂貴嘅觀念呢,價格親民又享有搶先入園嘅優惠,真係讓心動不如行動!下次安排迪士尼行程又唔想舟車勞頓返到去酒店嘅話,東京迪士尼樂祥酒店係你最好嘅選擇。一於就嚟呢度令你嘅東京迪士尼回憶更加多采多姿啦!!
Comments