知性之旅：埼玉縣川越市立博物館

鄰近川越城遺跡及本丸御殿嘅川越市立博物館，館內除咗介紹川越嘅歷史之外，仲展示咗川越城及「藏造建設」古建築嘅模型。即使唔識日文嘅人都唔洗擔心，館內有英文版嘅展板說明。

關於川越市立博物館

川越市立博物館係一座正面廣、縱深淺嘅建築，鄰近川越城遺址。透過館內嘅展示，帶你了解川越從1938年到現在嘅變化。博物館仲展出咗好多過去嘅文物，如手工製作嘅小雕像、農業工具、唔再流通嘅舊貨幣，以及以前嘅川越住宅建築模型。

博物館鄰近冰川神社、商店街、川越城本丸御殿同川越城遺跡，因此將博物館列入川越一日遊非常方便。

博物館有時候會舉辦日本名刀展。例如於2018年9月舉辦咗第61屆埼玉縣名刀展；另外亦有喺2018年10月中旬到11月下旬舉辦以「川越和番薯」為主題嘅特別展覽。

如果想參加博物館舉辦嘅相關教育活動，必須至少提前一個月報名參加，取決於實際報名截止日期。如果你唔識日文，可以通過翻譯軟件，來了解官網上有關最新活動嘅資訊。

川越市立博物館成人門票一張200円。當地亦發套票600円，可以獲得川越市立博物館、川越市立美術館、川越市藏造資料館同川越祭會館嘅門票。