埼玉縣位於東京北方，從東京乘坐JR埼京線約30分鐘即可抵達。交通方便、較平價嘅酒店選擇都好多，對於前往東京及關東地區嘅旅客嚟講，埼玉縣絕對係值得造訪嘅隱藏旅遊地！
埼玉縣酒店推薦
埼玉新都心大都會大酒店 (Hotel Metropolitan Saitama-Shintoshin)
埼玉新都心大都會大酒店屬JR大酒店集團嘅一部分，擁有157間客房。酒店地點方便遊客乘搭公共交通工具，並且可以喺短時間內抵達著名景點。對於情侶以及家庭旅行者嚟講，呢度係物超所值嘅酒店之一，住宿一晚約10,000円。
酒店提供多種住宿方案，從長期住宿到早鳥訂房（提前30天預訂）都有，可以從酒店官網上直接訂房。
酒店資訊
- 名稱: 埼玉新都心大都會大酒店 (Hotel Metropolitan Saitama-Shintoshin)
- 地址: 埼玉縣埼玉市中央區新都心11-1
- 交通方式: JR埼玉新都心站步行2分鐘
埼玉大宮超級酒店 (Super Hotel Saitama Omiya)
入住埼玉大宮超級酒店，以實惠價格就可以享受到高品質嘅酒店體驗。提供乾淨嘅客房、可以收到當地頻道嘅電視、免費自助早餐及免費熱飲。酒店仲提供免費無線網絡、公共浴池以及女性生理用品等。唔好意思進入公共浴池嘅人都唔緊要，每個房間都設有獨立淋浴間可以使用。埼玉大宮超級酒店經常有嚟到埼玉縣出差嘅旅客入住。酒店有多種枕頭可以選擇，一於挑選一款適合自己並且能夠好好瞓上一覺嘅枕頭。
一晚住宿費約9,000円。兩人住一房嘅話更實惠。
酒店資訊
- 名稱: 埼玉大宮超級酒店 (Super Hotel Saitama Omiya)
- 地址: 埼玉縣埼玉市大宮區櫻木町1-12-6
- 交通方式: JR大宫站西口步行10分鐘
浦和城市廣場酒店 (Plaza Hotel Urawa)
浦和城市廣場酒店價格實惠，客房乾淨、舒適，工作人員友善，非常適合經濟型旅客入住。附近有超市同便利店，酒店內設有餐廳、保齡球場同商場。四樓仲有一個漫畫閱讀區，又可以喺一樓嘅自助洗衣店享用免費洗衣服務。此外，房間嘅床係高密度彈簧床，保證你有好眠。價格每晚7,000円起。
酒店資訊
- 名稱: 浦和城市廣場酒店 (Plaza Hotel Urawa)
- 地址: 埼玉縣埼玉市南區鹿手袋1-1-1
- 交通方式: JR埼京線中浦和站出嚟即抵達
埼玉拉福雷酒店 (Hotel Rafre Saitama)
埼玉拉福雷酒店單人房一個晚上為6,676円起。呢間酒店客房嘅景色非常漂亮，與東京標準酒店客房相比，客房相當寬敞。酒店仲提供更多設施，如游泳池、按摩浴缸等，需要另外俾少少費用。如果想使用按摩浴缸，可能需要穿著泳衣，實際情況依酒店現場規定而定。Lawson便利店位於二樓，酒店亦鄰近百貨同餐廳。
酒店資訊
- 名稱: 埼玉拉福雷酒店 (Hotel Rafre Saitama)
- 地址: 埼玉縣埼玉市中央區新都心3-2
- 交通方式: 從JR埼玉新都心站步行約7分鐘
Comments