埼玉縣秩父市羊山公園以春天粉紅色嘅芝櫻之丘而聞名。滿山滿谷嘅花朵，體驗被芝櫻包圍嘅幸福感。
秩父羊山公園活動
羊山公園芝櫻祭
公園種咗超過40萬株芝櫻，春天嘅時候盛開，成為一片粉紅色花海。羊山公園芝櫻祭於每年4月中旬到5月上旬，芝櫻盛開嘅時候舉行。2019年嘅羊山公園芝櫻祭日期為4月12日到5月6日。有時花期比較遲，到5月初先至盛開。
如果計劃喺芝櫻季開始之前前往羊山公園，可以欣賞金黃色小花「福壽草」，花期為2月下旬到3月中旬。
秩父羊山公園開放時間
上午8點至下午5點，門票300円。可以喺公園輕鬆度過一兩個鐘。
相關資訊
景點名稱: 羊山公園
- 地址: 埼玉縣秩父市大宮6360
- 交通: 從「御花畑（芝櫻）」站步行20分鐘
其他推薦景點
除咗羊山公園嘅活動外，仲可以參加秩父嘅年度盛典―12月嘅秩父夜祭。秩父夜祭可以睇到掛滿燈籠、裝飾華麗嘅花車，仲有煙花表演。秩父夜祭幾乎同京都祗園祭以及岐阜縣高山祭齊名。
相關資訊
- 名稱: 秩父夜祭
- 地址: 埼玉縣秩父市中町16-1
- 交通方式: 西武秩父站、秩父站周邊
Comments