日本第一高樓：大阪阿倍野海闊天空大廈

樓高300米嘅「阿倍野海闊天空大廈」係日本第一高樓，位於大阪阿倍野地區，聳立於大阪嘅天際線。建築物內有展望台、購物中心、酒店、美術館等設施。

聳立於大阪市中心嘅「阿倍野海闊天空大廈」

「阿倍野海闊天空大廈」係屬於複合商業設施－阿部野橋車站大樓內嘅新區域。該大樓於2014年開放，係日本第一高樓，高300米，地面數上有60層，地庫有5層。

「阿倍野海闊天空大廈」地下有專用停車場，可停放180輛汽車。地庫2樓到地上1樓同大阪阿倍野橋站直接連結，而呢個站係從奈良出發嘅幾條近鐵路線嘅終點站。如果想搭JR電車，天王寺站就位於「阿倍野海闊天空大廈」對面，步行幾分鐘就到。

近鐵百貨海闊天空本店，位於「阿倍野海闊天空大廈」地庫2樓到地上14樓，係日本最大嘅百貨公司。入面集結咗各種各樣嘅商店，從時尚服飾、手錶到鞋、手袋都有，仲可以搵到一啲受旅客歡迎嘅品牌。

12至14樓有各種料理嘅餐廳。可以品嚐大阪當地料理，以及日本各地美食同異國料理。

「阿倍野海闊天空大廈」嘅觀景台－「海闊天空展望台」位於58至60樓。露天戶外廣場位於58樓，有一個三段式嘅空中花園，將陽光同風引入充滿綠色植物嘅中庭内。一於嚟呢度體驗大阪嘅自然美。

喺頂層60樓，可以欣賞到大阪同周圍地區嘅全景。觀景台係一個封閉式玻璃嘅結構，可以將關西景色一覽無遺，遠眺京都同神戶。

要去「海闊天空展望台」必須先到16樓。喺16樓可以購買觀景台門票，並乘搭專用電梯前往觀景台。

觀景台嘅門票成人一張1,500円，如果係15人以上嘅團體，門票一張為1,350円。

16樓係「阿倍野海闊天空美術館」，全年舉辦各種展覽，例如日本藝術、東方藝術、西方藝術同現代藝術。

呢度係一個完整嘅「城市美術館」，展出國寶同重要文化財，令每個人都可以輕鬆沉浸喺藝術文化中。「阿倍野海闊天空美術館」嘅開放時間為星期二至星期五上午10點至夜晚8點，星期六日、紅日以及星期一至下午6點。每月嘅某幾個星期一為休館日。

屋頂花園位於同一樓層，可以睇到大阪嘅壯麗景色，周圍環繞大自然。

摩天大樓嘅一部分係大阪萬豪都酒店。酒店嘅服務櫃台位於19樓，客房從38樓到55樓。57樓嘅酒店頂層ZK餐廳。可以喺舒適嘅床上欣賞大阪嘅壯麗景色，並可以輕鬆前往京都同奈良，係一個停留喺呢個城市嘅住宿好地方。

大阪萬豪都酒店設有健身中心同4間餐廳，包括COOKA自助式吧餐廳。CHECK-IN時間為下午3點後，CHECK-OUT時間為中午12點前。